影片
更多
2017-08-21
46 瀏覽
一家人出黎食好西，到了好多人讚的胡爐試試，一撘上到黎，個感覺好中國風，古式古香的裝修，實木間格，仲有大紅燈籠高高掛（雖然唔係紅色）果種feel。店員問有無book位，因為餐廳較full，繁忙時段已不接受walk-in，好彩聽朋友講有book定啫，如果唔係摸門釘都幾慘。醬料費（$22/ea）坐低後店員隨即送上醬料格，辣醬，沙茶醬，麻醬，芫荽等都係至愛，即刻整返碟混醬先。椰青水（$18/ea）飲品方面有不少選擇，除了汽水，仲有竹庶茅根，酸梅湯等自家制，另外又有泰式青檸疏打等特飲，仲有新鮮椰青，啤酒，同中國烈酒等，如不想飲甜的，也可以開一壺鐵觀音，是晚怕熱就叫了椰青水，泰國制的，坊間好像無見過有賣呢？飲落好清甜，仲有粒粒椰肉。（明明點了三罐，未影相已被阿爸偷飲左😑）胡爐四格鍋（$238）：沙嗲，芫荽皮蛋，麻辣，蕃茄雖然細細格，但每款湯底都是十分足料的，沙嗲湯有豬皮，勁香花生味（？）仲帶微辣，芫荽皮蛋湯極多芫荽，仲有唔少皮蛋，豆腐同馬蹄，好清甜飲左成碗，麻辣湯勁多椒同其他香料，剛剛開始還好，後尾真係超勁辣😂，蕃茄湯內有蕃茄薯仔同牛腩，有點過濃味呢款唔飲啦。白鱔片（$128）阿媽至愛魚，叫個鱔
醬料費（$22/ea）坐低後店員隨即送上醬料格，辣醬，沙茶醬，麻醬，芫荽等都係至愛，即刻整返碟混醬先。
椰青水（$18/ea）飲品方面有不少選擇，除了汽水，仲有竹庶茅根，酸梅湯等自家制，另外又有泰式青檸疏打等特飲，仲有新鮮椰青，啤酒，同中國烈酒等，如不想飲甜的，也可以開一壺鐵觀音，是晚怕熱就叫了椰青水，泰國制的，坊間好像無見過有賣呢？飲落好清甜，仲有粒粒椰肉。（明明點了三罐，未影相已被阿爸偷飲左😑）
胡爐四格鍋（$238）：沙嗲，芫荽皮蛋，麻辣，蕃茄雖然細細格，但每款湯底都是十分足料的，沙嗲湯有豬皮，勁香花生味（？）仲帶微辣，芫荽皮蛋湯極多芫荽，仲有唔少皮蛋，豆腐同馬蹄，好清甜飲左成碗，麻辣湯勁多椒同其他香料，剛剛開始還好，後尾真係超勁辣😂，蕃茄湯內有蕃茄薯仔同牛腩，有點過濃味呢款唔飲啦。
白鱔片（$128）阿媽至愛魚，叫個鱔片比佢嘆下，超新鮮，肉鮮甜無泥味，厚切大大塊好有口感，勁正！
極上手切本地肥牛中（$388）肉就係for阿爸嘅，牛肉鮮嫩，好重肉味，食落完全無筋無渣，就算滾耐左都無問題，超級靚牛，貴少少都值嘅！
西班牙黑毛豬豚肉（$148）再點多碟豬肉片，牛有點貴不捨得叫大size，改食豬都好吖，試下唔同野嘛。豚肉片厚切，雪花紋，睇落已經正，入口好嫩滑，估唔到豬肉都咁好味，有驚喜！
墨汁墨魚丸（$88）手打丸一碟有八粒，但size有點少啊😅墨丸很爽口彈牙，味道都唔錯。
豬紅（$48）阿媽話想食就點一份吧，豬紅有點硬身，掉落去滾好耐都無散喎，但咬落一啲都唔硬仲勁嫩滑添，又係完全無渣，勁正。
皇帝菜（$48）菜新鮮洗得乾淨就夠了，唔好睇佢細細兜，入面塞到滿哂㗎，而且無放冰呃位。
食完後店員送上甜品，椰汁糕（？），微甜，食落好舒服，正好解下麻辣的勁度。（上面啲係咩黎呢？燕窩？）好正的湯底，超級靚的火鍋料，環境正又服務好，除左貴左少少外，近乎完美的一餐😍
張貼
