大中華飯店 (已搬遷) 新店位置

聽聞呢間打冷野都幾岀名，一於就嚟試試佢！😛 打開餐牌，圖文並茂容易點餐。有幾款菜式名甚為趣致，唔知係咪傳統叫法呢🤔 先嚟個鐵板黑椒豬手，上菜時岀哂煙jar jar聲咁，視覺效果一流。豬手好軟熟，配埋黑椒汁夠惹味。食剩嘅汁可以要嚟送飯，好開胃。 蒜茸蒸扇貝，不過不失啦，有多啲粉絲就好😀 南乳吊燒鱔，炸得頗爲香口，送啤酒一流。但略嫌南乳醬唔太夠味。 黃金鮮魷，幾款之中最鐘意呢味。咸蛋黃味好岀又唔會過膩，食到停唔到口。