119
60
14
港鐵長沙灣站 C2 出口, 步行約7分鐘 繼續閱讀
電話號碼
9045 4863
6096 0082
特色
適合大夥人
附加資料
長沙灣站C2出口直行過大馬路轉右(近長沙灣天主教英文中學)
營業時間
今日營業
18:00-01:00
星期一至日
18:00-01:00
付款方式
現金
座位數目
400
其他資料
深夜營業
酒精飲品
電話訂座 詳細介紹
外賣服務
加一服務費
室外座位
食評 (214)
等級4 2017-07-19
101 瀏覽
北京叫胡同,上海稱弄堂,香港謂巷仔。巷仔見食店徒有其名,瞬間結業,巷仔飲食全港風味最好是此間。早年是露天檔為主,漸漸運用附近的地舖,最後佔用全條巷,街前舖和樓上舖。如約親友到來(分數批),須集中在酒水部等候,然後自行帶位。今晚以12碟組成一圍筵席:❄一冷盤🔥三熱葷🐟清蒸雙海鮮🐥當紅炸子雞🌿夏日雙蔬🐂黑牛孖寶 😙生炒骨❄冷盤選了貴州豬腳仔,因此餸在別店難找到。辛辣汁液盡顯貴州菜的精髓,令人覺得愈辣愈過癮。豬腳仔很精緻,容易入口,爽滑而肉質幼嫩。別處多是廣東滷水式風味完全不同。🔥三熱葷難以取捨,煎蠔餅(另有蠔烙),炒蟶子,炸九肚魚都出色。前文已推介墨魚餅,今次點選蜆芥鯪魚球,油炸功夫好,有12個脆皮有果皮味道的圓球,不醮蜆芥亦極好味。🔥琵琶豆腐亦是另一絕,前文已介紹,酸甜醬賣相好,與西蘭花相映成趣,味道適中,不會喧賓奪主。🔥腐皮卷是第一次試。因巷頭有油炸檔口,看見幾檯客都點選此餸菜。原來是齋菜,有很多碎蔬在內,令我想起粉嶺雲泉仙館。珠玉在前,當然仍有不足。🐟清蒸雙海鮮之一是豉汁蒸鱔,性價比甚高,在街市買亦需80元。新鮮脆彈,魚味滿瀉。🐟清蒸大海斑有約兩斤,蒸煮時間剛好,此魚魚肉滑溜,但欠魚味,是此斑特點。價錢則偏貴了,約500元。建議點油浸筍殼魚取代(320元)。珊瑚斑塊則欠鑊氣和酸甜惹味汁液,不推薦。🐥當紅炸子雞是用傳統手法,落鑊生炸,價錢比酒樓明顯低。雞肉滑溜,皮脆酥軟。🌿夏日雙蔬之一是冰鎮四蔬和椒絲腐乳炒通菜,冰火兩重,此感受值得嚐試。如要湯水,胡椒勝瓜浸魚鰾可以推薦。🐂黑牛孖寶後段是送飯餸菜。此店不供應粉麵米,炒飯亦欠,煲仔飯則是碎飯焦,乾炒那種,夏季不適宜,故只有白飯。鐵板黑椒豬手的醬汁惹味,不吃辛辣的亦能接受。皮層甘酥綿軟,油潤香濃,入口即溶。黑椒牛仔骨醬汁極多,佐飯一流。如不食牛肉,建議薑葱蠔(130元)和豉椒炒蜆(90元)取代。豬類出品如燒奶豬不推薦。 😙最後是生炒骨,甜而有酸,同樣脆皮香酥,是傑出豬肉小菜。似是壓尾的甜品,亦可供小朋友送飯。如以上述建議,一圍約1600元(酒水另計),平均每人約130元。 繼續閱讀
(以上食評乃用戶個人意見 , 並不代表OpenRice之觀點。)
大鑊爆炒耀中華 焦點食評
等級4 2017-02-12
6395 瀏覽
廣東小炒,鑊氣勁力冠絕神州,點出粵菜的神髓。如未曾來到此店,應在炎夏前一試俊哥的鑊氣爆炒。但須知此店是紅磡加太賀的陋巷版,怕不潔和要坐得舒適的勿來。飯店分散在各小舖,落單要去街上搵梅姐。對面有車位供泊車。原來我保持有近4次落單紙,以便點餸。出現率最多的5樣餸,是琵琶豆腐,鐵板黑椒豬手,泰國鳳爪,貴州豬腳仔,煎墨魚餅。平均每人每次130元(未計酒水)。今次是2017年第一次光顧,冷盤是雙辣:貴州豬腳仔辣度是大級數,勿撈起來吃,小心噴火。泰國鳳爪質素比得上泰國餐廳,亦很辣。這類爆炒店重味重油,所以我們每次都叫大量酒水。兩熱葷:煎墨魚餅十分彈牙,好味指數冠絕全港澳。琵琶豆腐是鑊氣勁的最佳證明,是必選。如人多,炸鯪魚球和生炒骨都是推薦之列。兩主菜:鐵板黑椒豬手是招牌菜,可食兩碗飯。今次豬手太瘦,亦偏細,大不如前。豉汁蒸鱔保持水平,份量多,鱔魚勁彈牙。這份量在街市買亦要70元,十分超值。蒜蓉炒豆苗入味,但太油膩。今次只有7人,結帳是730元。十分抵食。送酒的乳鴿是首次試試,太乾,欠汁,不合格。應多用滷水浸,保持鴿身濕潤。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-07-16
71 瀏覽
朋友係附近行街,今日一於試呢間。魚標勝瓜黑椒牛仔骨,料同汁多,不過味道偏濃。黃金鮮魷,炸得香口。燒乳鴿,還可以啦。今次同一年前食味道同水準有d下降,還是自己口味變了 繼續閱讀
(以上食評乃用戶個人意見 , 並不代表OpenRice之觀點。)
等級2 2017-07-05
196 瀏覽
今晚莊員生日飯,訂咗 VIP 房慶祝一下!最好就係咁自成一角,可以點樣發癲點樣嘈吵都無問題! 見到介紹土匪雞同埋豬手係必試產品,所以醒目嘅朋友仔喺訂台嘅時候已經預訂咗!土匪雞上台嘅時候真係好誇張,用木盤裝住仲要搵支鐵通叉住佢。佢一嚟到我哋就忍唔住將佢五馬分屍,謝謝餐廳提供膠手套方便進行施暴,哈哈!食落口,皮係脆嘅,而就算係雞胸啲肉質仲非常嫩滑,不過只可惜食咗2小舊就冇曬嚕(咁你知道有幾好味啦)! 當然,無理由淨係食肉嘅,所以即刻整返個鮑魚鮮蝦拼盤!同台有水上人,都大讚海鮮夠新鮮。仲有燒味有乳豬喇,燒鵝啦,腐皮卷呀,總之叫都成台滿滿係食物,每樣都食得滋味啊!但係想點酒精類飲品就麻煩少少,需要行幾步路出去街口士多自行購買。 港式飯店就係要食呢啲,下次有外國朋友在嚟香港一定要帶佢嚟試試!同埋記住記住要大棚人嚟食,咁先可以一次過試齊晒佢!By the way,我哋已經約緊下次再嚟啦! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-06-28
177 瀏覽
今日有位朋友喺澳洲嚟,想食港式炒菜,我諗都唔駛諗直接帶去略有名氣平時都有去開嘅大中華,雖然服務態度不嬲差同越嚟越差,但食物質素都算有水準保證,所以照去,呢間嘢又真喺幾旺嘅,無定枱無酒水,七點半到,喺附近士多買支嘢飲就去攞位,時間尚早,望入鋪頭一個客都無,就同伙記叔叔攞位,佢問我幾多個人,當時我自己一個人去攞位,有位朋友亦未確定到嚟定唔嚟,我就話有六至七位,八點前會齊人,伙記叔叔去問下老闆娘意見,問完返嚟問我究竟喺六位定七位,唔確定俾唔到位我,我都成兩日無嚟,要跟到咁足,以為有新規矩,就問伙記叔叔依家喺咪要計茶位?佢又話無,咁我就保障啲,攞七位,伙記叔叔又去同老闆娘報告,伙記叔叔行返嚟話有位,俾我食到九點,我同佢講我喺嚟食嘢無諗住談心,食完就走,但知你地真喺好旺,雖然你地厨房好快手,但上齊餸起碼都要八點四十至五十分,俾多半個鐘我,食到九點半得唔得?伙記叔叔又行去同老闆娘報告,我企喺門口,望住佢两位傾完各自各忙,過咗陣伙記叔叔返嚟帶我位,入到去得我一個,望下表七點五十分,坐底寫餸,呢度真喺幾旺,除咗要自己去買嘢飲,落單都要自己嚟,落完單,我朋友都到場,其他客人都陸續入場,今日就唔提點咗咩餸,重點都喺想表達下大中華飯店依家有幾差,八點半左右有嘢上,大家都肚餓,就食呀食,味道幾好,好快清碟,吹下水等下道菜,九點零五分,無咩動靜,就揾位伙記問下,肥妹仔伙記過咗嚟同我覆下單,原來仲有三個菜未嚟,佢轉身就去幫我地跟進,之後入嚟話其中一道菜土匪雞賣晒,望下隔離左右,枱枱都遲過我點菜,枱枱都有隻,得我枱無,間嘢旺,有時候程序亂咗我明嘅,小事,咪點過其他囉,肥妹仔聽到我要加餸,好似有啲嘢咁叫我地等陣就行咗去揾老闆娘,見無嘢食行出門口食支煙,出到門口,老闆娘行埋嚟,同我講話依家九點十五分,我入座前應承佢九點半就走,就嚟夠鐘,唔可以點菜,我話仲有兩個菜未嚟喎,得十五分鐘點夠時間食?老闆娘好豪氣咁話俾我食完兩道菜先走,講完佢轉身就走咗,食完埋單,又見到老闆娘,食幾多計幾多,收完錢走人,佢全程無唔好意思,無表示,間嘢真喺旺,佢認為好正常,佢繼續去忙,望住佢背影,我無嬲,我感到有啲悲哀,望望下個背影有啲熟悉,我諗起十幾年前嘅深圳,經濟起飛,人口膨脹,飲食業爆炸期,睇落食得嘅嘢就賣得出去,餐廳老闆們都忙住收錢賺錢,忙到已經唔記得當初點樣創業,點樣守業,客人已經唔再熟悉,眼裡只有錢,當然所有嘢對老闆們無影響,人心已離但錢繼續賺,諗到呢度我有啲感觸,忍住淚水,轉身就走,永別,大中華飯店。 繼續閱讀
(以上食評乃用戶個人意見 , 並不代表OpenRice之觀點。)