影片
更多
2018-01-26
1881 瀏覽
上次食過尖沙咀厚福街H8嗰間胡爐，覺得好好食，已經對呢個集團好有好感。朋友告之話原來尖沙咀三角公廁嗰邊都開咗一間叫做醉胡爐，見天氣開始凍，梗係要同朋友孖住一齊去試一試佢啦一入到去，同之前食嗰間嘅裝修風格完全一樣，呢間樓底高，地方闊落，感覺開陽，而且仲有好多唔同嘅酒飲添，仲設有一個酒吧枱，同之前嗰間古色古香完全唔一樣。火鍋醬汁配料10分多，應有盡有，好感大升先叫湯底，見到佢竟然有花膠雞燉翅咁囂張，一於要試吓佢。好多地方據稱有花膠雞燉翅嗰啲花膠都係得一兩舊，但係呢間完全唔同，超級祝了，花膠食極都有，魚翅亦都係超多，入面仲放咗大量嘅魚翅軟骨，一飲落去湯頭鮮甜味美，食完個湯渣都飽左一半囉。牛肉厚薄適中，短短淥5秒就已經OK ,肉質軟淋，牛肉味濃，唔錯牛骨隨夠晒特別，朋友最愛手工餃同手工丸味道亦都好好，而且好鍾意佢呢度擺盤超級精緻廣島蠔淥完亦都冇縮水，唔錯超級滿足嘅一餐
一入到去，同之前食嗰間嘅裝修風格完全一樣，呢間樓底高，地方闊落，感覺開陽，而且仲有好多唔同嘅酒飲添，仲設有一個酒吧枱，同之前嗰間古色古香完全唔一樣。
火鍋醬汁配料10分多，應有盡有，好感大升
先叫湯底，見到佢竟然有花膠雞燉翅咁囂張，一於要試吓佢。好多地方據稱有花膠雞燉翅嗰啲花膠都係得一兩舊，但係呢間完全唔同，超級祝了，花膠食極都有，魚翅亦都係超多，入面仲放咗大量嘅魚翅軟骨，一飲落去湯頭鮮甜味美，食完個湯渣都飽左一半囉。
牛肉厚薄適中，短短淥5秒就已經OK ,肉質軟淋，牛肉味濃，唔錯
牛骨隨夠晒特別，朋友最愛
手工餃同手工丸味道亦都好好，而且好鍾意佢呢度擺盤超級精緻
廣島蠔淥完亦都冇縮水，唔錯
超級滿足嘅一餐
張貼
