北海道爐端燒 (已結業)

一輪工作過後，要獎勵自己食好d ! 連lunch 都吾可以馬虎😂 先點了幾款壽司，牡丹蝦壽司 $78/2 係我最中意既壽司之一，好多時候都會必叫！ 呢間既牡丹蝦都吾錯😋 油甘魚壽司 $42/2 好多油脂😍 上面加了少少蒜蓉，整得好靚😳 賣相立即升級！ 令個壽司更香，增加了味道既層次感。海膽壽司 $78/2 ，海膽非常新鮮，好好味😋👍🏼大蔥雞串 $24 ，串燒中最中意大蔥加雞肉😂 味道最Match ! 露筍豚肉串 $32，露筍好新鮮、爽口，呢間既串燒都吾錯。然後揀左兩個Lunch Set 分別係海鮮丼定食 $118 同握壽司+讚岐冷烏冬定食 $108 。前者真係超級足料！！好少丼有咁多款刺身，而且仲有蛋絲同炸魚仔等作配料，匙羹上白色物體係墨魚蓉🤔好似第一次咁食，但口感同味道都吾係幾岩我🙈 從呢個海鮮丼可以睇得出廚師既用心☺️ 所以呢個丼非常吸引！見到都精神晒😍 刺身都好鮮甜，份量好足夠，水準一流👍🏼而見到後者都會好開心😁 有六款壽司，吾會因為係lunch set 而頹整 ，好味道！跟餐飲品叫左忌廉奶梳打同埋熱薑茶。