神燈海鮮酒家 (18廣場)

營業中

休息中

昨日打風無出街，今日食好啲，決定去呢間以前細個同阿爸食過嘅神燈海鮮酒家。一坐低就叫佢哋必食嘅三大名菜：（－）黑松露玻璃燒鵝1/4隻，黑色嘅皮特別香脆，滿滿松露味，鮮嫩多汁。（二）薑蔥龍蝦銀統煲，大大隻龍蝦鮮甜厚肉，份量好多，粉絲入味。（三）南非鮑魚啫啫雞，熱辣辣嘅煲仔上枱，個個食到吾停口，差不多每枱都叫，係最搶手嘅小菜。另外叫咗炸蟹鉗，真係拳頭咁大嘅全蟹肉，性價比超高嘅食物；大富豪炒飯粒粒分明，不油又乾身。呢餐食番係回憶中嘅味道，完全無失望。