影片
更多
2023-08-19
118 瀏覽
好耐無去大埔行吓～趁今日放假順便入去探朋友，佢一早book咗大滾友火鍋一齊dinner 撐枱腳😆😆超華麗嘅宮廷風設計，有大大張龍椅又有聖旨(餐牌)，餐具、鍋爐都好靚，好啱影相打卡📸️玲瓏浮凸•花膠雞湯鍋(半隻）兩個女人見到花膠雞即刻心心眼😍滋補養顏一流！金黃色湯底香甜濃郁，大過手掌嘅花膠軟滑清香，雞件嫩滑啖啖肉❣️大滾友牛肉拼盤（細）份量十足嘅牛肉拼盤上枱睇到流晒口水🤪有齊安格斯牛小排、本地手切牛頸脊、美國頂級雪花肥牛、牛舌等等。個人最鍾意安格斯牛小排，豐富大理石花紋，肉質鮮美滑嫩，牛香濃郁，口感細緻💡店長推介伊比利亞橡果豬肉質細緻充滿橡果香，食落軟嫩多汁好juicy，完美油脂同肉嘅分佈，令人一試愛上🥳櫻花蝦豬肉丸入口濃濃香郁豬肉味，面頭滿滿櫻花蝦，口感層次豐富💖黑松露午餐肉絲絲鹹香肉絲散發黑松露獨有香氣，煎至金黃色脆邊好吸引！食落鹹度適中，肉質有層次，好邪惡啊👿大滾友雜菜拼盤打邊爐要食吓菜解膩🥬雜菜拼盤咩都有啲，超豐富！有齊生菜、油麥菜、金菇、木耳、紫准山、蕃茄、粟米🌽等，新鮮爽脆，清新味蕾一流🤟🏻自家製足料竹蔗茅根冰凍清甜、解渴一流，有助潤肺生津，打邊爐飲就啱哂👏🏻
超華麗嘅宮廷風設計，有大大張龍椅又有聖旨(餐牌)，餐具、鍋爐都好靚，好啱影相打卡📸️
玲瓏浮凸•花膠雞湯鍋(半隻）
兩個女人見到花膠雞即刻心心眼😍滋補養顏一流！金黃色湯底香甜濃郁，大過手掌嘅花膠軟滑清香，雞件嫩滑啖啖肉❣️
大滾友牛肉拼盤（細）
份量十足嘅牛肉拼盤上枱睇到流晒口水🤪有齊安格斯牛小排、本地手切牛頸脊、美國頂級雪花肥牛、牛舌等等。個人最鍾意安格斯牛小排，豐富大理石花紋，肉質鮮美滑嫩，牛香濃郁，口感細緻💡
店長推介伊比利亞橡果豬
肉質細緻充滿橡果香，食落軟嫩多汁好juicy，完美油脂同肉嘅分佈，令人一試愛上🥳
櫻花蝦豬肉丸
入口濃濃香郁豬肉味，面頭滿滿櫻花蝦，口感層次豐富💖
黑松露午餐肉
絲絲鹹香肉絲散發黑松露獨有香氣，煎至金黃色脆邊好吸引！食落鹹度適中，肉質有層次，好邪惡啊👿
大滾友雜菜拼盤
打邊爐要食吓菜解膩🥬雜菜拼盤咩都有啲，超豐富！有齊生菜、油麥菜、金菇、木耳、紫准山、蕃茄、粟米🌽等，新鮮爽脆，清新味蕾一流🤟🏻
自家製足料竹蔗茅根
冰凍清甜、解渴一流，有助潤肺生津，打邊爐飲就啱哂👏🏻
張貼
