Lagom Kaffe (已結業)

之前同朋友食過觀塘 Lagom Kaffe覺得好好食，又坐得舒服，今次經開牛頭角，見到有分店，即刻同朋友嚟試吓。餐廳係一棟商業大廈嘅一樓，環境好舒服，超大間好坐，平時同朋友嚟飮吓咖啡、傾吓偈，坐一個下晝都幾正🤗🤗我哋2個人叫咗台北燉牛肉意粉、炸魚薯條、柚汽啡、Dirty，甜品就試晒兩款 Cheesecake : 伯爵茶味& 焙茶味。牛肉意粉有少少麻辣味，牛肉好嫩。炸魚薯條超大份，熱辣辣好脆口，咬開仲出緊煙，好正😋兩杯咖啡都好有特色，好好味。柚子啡真係未試過，好特別，柚子同咖啡原來可以咁夾😍；Dirty 係我至愛，咖啡味香濃。食完兩個主菜都已經好飽，但係見到2個甜品都好想食，超級引😆😆Cheesecake 嘅醬係分開上， 2款外型都好似，但食落真係2種味，都有濃濃嘅茶味，真係好滿足！以後經開呢頭，又多一個選擇啦🤗🤗