90
16
6
港鐵牛頭角站 B6 出口, 步行約6分鐘 繼續閱讀
所有分店 (2)
電話號碼
23685220
營業時間
今日營業
08:30 - 19:00
星期一至五
08:30 - 19:00
星期六至日
09:30 - 20:30
公眾假期
09:30 - 20:30
付款方式
現金
食評 (124)
之前到訪了桔梗班底主理的新cafe,地方超大,兩邊落地玻璃窗加以木為主的裝修,空間感大大增加,感覺坐得特別舒服。餐廳供應自家烘焙咖啡,自設餅房,焗製的麵包夠新鮮,格外吸引。不過,當日餐廳6時多就是尾輪落單,我去到的時候,麵包櫃已差不多清空,想試的都沒有了。我哋入座後就急忙落單,甜品都要決定好,所以,你看到全檯都是食物,當中包括甜品。今次特別想先說甜品,因為吃完之後覺得非常突出,想推介予大家。紅豆麻糬·抹茶·柚子窩夫   $128抹茶味窩夫雖然我的最愛,但是因為內藏麻糬,所以就吸引了我。窩夫的抹茶味香濃,但是不是抹茶控的我就嘗不出它是用了哪種抹茶粉。看回之前的新聞稿介紹,據講是用日本丸久小山園的龍膽抹茶粉,所以抹茶香味突出,同時亦帶回甘。窩夫內有麻糬,口感煙韌,令窩夫整體外脆內軟,正!你可能覺得柚子跟抹茶風馬牛不相及,然而,我之所以力薦,正正是因為「柚子」的出現。柚子的元素在自家製柚子熱情果醬和柚子雪葩,與窩夫配著吃。令我意外的是,柚子酸甜而帶微微苦澀的清香,竟然跟抹茶味的窩夫「勁夾」~再伴有廚師煮的紅豆粒,煮得稔糯,整體甜而不膩!雞肉·芒果·大醬三文治   $78此外,餐廳的三文治口味配搭都很特別,我們嘗了平日罕見的豬肉與芒果的三文治。三文治用雞肉配搭芒果,加上自製的大醬,味道好特別,甜鹹交織;有少許辣味,相信是大醬的嘅特色所在。雞肉不柴,多汁又香甜的芒果同酸辣的大醬合起來就中和了油膩感。加上半熟蛋,味道與口感的層次更加豐富!炸魚薯條🍟  $88 炸魚薯條的水準正正常常,炸魚稍嫌有點油膩,不過,份量夠多。莓莓乳酪燕麥奶搖  $48 朋友推介我這個飲品,因為乳酪味比燕麥味濃,喝起來感覺較清新,亦相對沒那麼甜。培根蛋意粉🍝  $88 因為我實在太長時間沒有吃卡邦尼意粉,心癢癢的。這個意粉水準不錯,挺好食;煙肉香脆,鹹香味滲到意粉中,令人感覺愈食愈滋味~餐廳希望打造一個非一般的自由工作、咖啡、食物空間,所以你大可以叫杯咖啡及輕食,舒舒服服,「坐定定咁邊食邊做」,坐多久都可,不設限時。餐廳裝潢予人開揚感覺,所以的確「幾好坐」,如果在附近居住或上班的話,這裡絕對是 #好去處,只可惜星期六日營業時間比較短,不能待很晚。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-06
167 瀏覽
今次嚟到牛頭角呢間桔梗嘅姊妹店Lagom Kaffe,一去到就見到勁多人排!餐廳面積好大,坐喺度食嘢真係又舒服又安全呀😛😋 聖誕炸雞之告別2020 $128小編上年年尾去食,而家呢個餐應該無咗,但都照寫啦🤣 有兩大嚿雞,炸粉都有點厚,一嚿雞肉肉質好鬆,另一嚿又實返啲好食啲。雞味都夠,配埋呢隻類似IKEA肉丸醬嘅醬都唔錯!旁邊嘅芝士薯仔沙律都好正呀😝😋 台北燉牛肉意粉 $78諗咗陣台北嘅燉牛肉係點先落單,諗住試吓特別嘢。牛肉片幾大塊同埋唔嚡口,意粉份量足夠而且幾掛汁,個汁有啲啲麻辣味,但唔食辣嘅小編都食到,所以ok㗎😆 越食越覺得惹味,強烈推介大家試試😁😋 黑白配 $55黑白配即係Expresso同Piccolo,兩杯咖啡一黑一白各有特色,Expresso酸身啲,crema啱啱好,記得趁熱飲呀😆 Piccolo個拉花都幾靚😗😋 鮮薑梳打 $48薑味幾夠,唔太甜所以飲落幾舒服😬 但48蚊嚟講略嫌細杯咗啲。之前睇Stand Up Hong Kong個show,聽杜生講桔梗目標係想Lagom開到周圍都係,開到好似Star_ucks咁。開唔開到就靠大家喇,加油啦😝 繼續閱讀
(以上食評乃用戶個人意見 , 並不代表OpenRice之觀點。)
一個人me time,最後找間好坐的cafe。 大家都聽過台北來的桔梗,位於油麻地的香港店當然非常出名,係黃店嘅表表者,估唔到咁快,又有第二間分店開張。 Lagom,一個咁特別嘅英文,原來來源於瑞典語,意思為「不多不少,剛剛好」,呢個字代表左瑞典人對生活態度,而剛巧放假,一個人靜靜來到呢到吃個lunch,就感受到那舒適的剛剛好嘅感覺。 坦言,油麻地的桔梗同樣非常大,但可能地區關係,而且又多人,你沒辦法感受到像台灣一樣文藝嘅氣息,相反,Lagom呢度光線充足,而且位於相對不多人嘅牛頭角,正正就好似去咗台北大安區一樣。 桔梗上次嘅嘢食的確唔係太大驚喜,因此我並沒有特別抱好大期望,人人都推介呢度嘅三文治同燉牛肉意粉,但唔知點解好似燉牛肉意粉唔係好夾呢間餐廳,我卻偏偏選咗松露干貝意粉。 上枱嗰刻,賣相非常之精美,三隻帶子都煎得非常之靚。而且一上枱就聞到個香氣。 唔會太濃烈嘅白汁加上大量嘅黑椒同蘑菇襯托下,個意粉比桔梗出色得多 ,不消一會便吃完。 再加杯dirty ,可惜當日下午,未有酒提供,呢度亦有好多以咖啡為主角嘅Cocktail,下次一定要試下。 意猶未盡加多一個甜品,點了焦糖蘋果,伯爵茶和檸檬窩夫,即叫即整嘅關係都等咗一段時間,不過出嚟嘅製成品會叫你忘記等候左咁耐嘅時間。 窩夫非常之脆,三種味道夾埋非常清新,我一個人都可以食晒成份窩夫,平時食甜品我一定冇咁勇猛,你可以想像呢度嘅甜品真係唔錯。 坐低上下網,睇吓書,咁就一個下晝,的確坐喺呢度令我自己想起身在在台北某個地方。 想起本身今年預算在台北過除夕,才發覺自己原來係牛頭角,灰左。 才記要拿起電話,係時候要取消張機票了。 Lagom Kaffe 牛頭角觀塘道348號國際貿易中心1樓101號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-13
4553 瀏覽
得知桔梗係九龍灣開左新分店又點可以唔支持!由於店鋪位於工廠地區所以特別趁住星期日較少人既時段黎,可惜當日6點半黎已經lastorder左無熟食,雖然有少少失望但無阻我同朋友既熱誠,決定先試呢到既甜品先.焦糖蘋果•伯爵茶•檸檬窩夫伯爵茶窩夫配上焦糖蘋果醬,伯爵茶cream,一小件伯爵茶戚風蛋糕及檸檬味雪葩,口味清香淡雅而且一碟甜品內加左3倍伯爵茶香.先講伯爵茶窩夫,窩夫烘得外面鬆脆而內裏濕潤軟綿.窩夫內帶滿滿伯爵茶葉碎,伯爵茶獨有既彿手柑香係口腔內彌漫,茶味細膩又不帶一絲苦澀味.焦糖蘋果醬,經煮過後既蘋果帶微微果既香,配上較甜既焦糖一齊煮剛好達至平衡,入口唔會過甜膩或過酸.檸檬雪葩一暖一凍既口感同時係口腔內交融,為整份窩夫帶黎一陣刺激感.清新既檸檬酸亦將窩夫既膩滯感減到最低,食完都唔覺得內疚.伯爵茶cream同樣充滿濃厚伯爵茶香,cream質感細滑又唔會過膩.伯爵茶戚風蛋糕輕軟濕潤,茶葉香更濃.Bacon Scone配上自家製咸味clotted cream,入口帶微微他他醬既酸香亦同時帶點微辣鹹香感.配搭上帶bacon scone出奇地配搭,食煙肉薰果感濃郁香厚.scone入口唔黏牙既同時亦唔會過乾,內裏亦充滿香濃既煙肉粒.玉桂蘋果燕麥奶搖未飲已經感受到陣陣渾厚馥郁既玉桂味中帶住香甜氣味.燕麥奶搖因爲加左冰既緣故所以入口唔算特別細滑,但味道同樣香甜亦唔會過甜膩.內裏帶住啖啖蘋果蓉,香甜又健康,燕麥奶既甜味飲得出大部分係黎自蘋果自身既甜味.凍多明尼加朱古力奶奶味香而且入口細滑,配上充滿nutty可可豆香既多明尼加朱古力層次更豐厚. 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-01
5718 瀏覽
今日偷得浮生半日閒,請咗半日假休息下,約左朋友去去牛頭角嘅Lagom Kaffe。因為驚要等位,所以特別揀左late tea時間。一上到二樓,就比佢個落地玻璃磨咖啡豆房吸引咗,然後門口右手面,就係沖咖啡嘅檯面。再入,就係空間感十足嘅用膳地方。好難得喺香港呢個舖租咁貴嘅地方,店主仲肯投資咁大,比食客一個咁舒服嘅環境(仲要不設限時!)。職員帶咗我哋去張卡位坐,我哋揀咗鹹食甜食各一,同埋兩杯飲品share。豬肉·蘋果·楓糖三文治 $88估唔到咁大件,豬肉醃嘅味剛剛好,可能因為有楓糖,甜甜地,切開入邊原來仲有流心蛋。另外仲有一片片蘋果,中和返豬肉嘅肥膩感。包係一大片sough dour bread,越食越有驚喜。焦糖蘋果·伯爵茶·檸檬waffle $128Waffle係伯爵茶味,但最驚喜係旁邊既檸檬雪葩、焦糖蘋果醬同伯爵茶mousse。檸檬雪葩味道極致清爽,焦糖蘋果醬食得出係蘋果原味,伯爵茶mousse又滑又香。反而個waffle可能係裝飾耐左,略嫌唔夠熱,但焦糖蘋果·伯爵茶·檸檬依三樣已經值回票價。玉桂蘋果燕麥奶搖 $48用上Oatly燕麥奶,加入玉桂蘋果攪拌,好清新既感覺。多明尼加朱古力奶 $48朱古力奶又滑又香,杯面有半片橙裝飾。好滿足既一餐,雖然係好飽,但因為Lagom每樣野都配返清新既材料,例如蘋果、檸檬雪葩中和返,食完無肥膩感。 繼續閱讀
(以上食評乃用戶個人意見 , 並不代表OpenRice之觀點。)