影片
更多
2021-11-19
217 瀏覽
今日同朋友過嚟旺角呢邊行街，之後諗住搵間食小菜嘅中菜館食埋個晚飯先返屋企，咁啱見到呢間喺大馬路邊嘅海鮮菜館好傳統，個樣幾正咁所以就決定試吓 。佢嘅餐牌上面選擇非常豐富，仲有得揀套餐，對於選擇困難症嘅我哋真係好難抉擇 不過店員10分有耐心向我哋介紹每一道特色嘅菜式，推薦左一系列比較招牌嘅菜我哋。最後我哋揀咗個《至尊龍蝦二人套餐》$888首先就係二小福，我哋揀咗海蜇同埋豬肚，作為餐前小食，店員仲俾咗餐廳特色辣椒醬我地，真係非常香非常好食。杏汁菜膽豬肺湯呢個湯真係冇得彈，做得非常出色，應該係我飲過嘅杏汁湯入面最好飲，因為我自己本身唔係太鍾意杏仁 但係佢有杏仁嘅香又唔會太濃 而且結結地飲落去口感更加好，仲要係超足料，一定要試吓。清酒凍鮑魚清酒鮑魚十分冰凍，所以口感比較爽口同埋有彈性，真係做到冰鎮嘅感覺。蒜蓉粉絲蒸大元貝呢個菜式其實周圍都有得食，個人應為正正常常味道合理。白胡椒龍蝦粉絲煲呢個絕對係今晚嘅一個重頭戲，白胡椒龍蝦喺呢度嘅招牌，果然有驚喜，胡椒味好濃郁，但又唔會太嗆口太辣，粉絲炒得好有鑊氣，真係好好食，龍蝦都食得出好新鮮有鮮甜味。翡翠金沙蝦球呢個又係冇得頂，金沙已經冇得輸，仲要係外皮嗰
佢嘅餐牌上面選擇非常豐富，仲有得揀套餐，對於選擇困難症嘅我哋真係好難抉擇 不過店員10分有耐心向我哋介紹每一道特色嘅菜式，推薦左一系列比較招牌嘅菜我哋。最後我哋揀咗個《至尊龍蝦二人套餐》$888
首先就係二小福，我哋揀咗海蜇同埋豬肚，作為餐前小食，店員仲俾咗餐廳特色辣椒醬我地，真係非常香非常好食。
杏汁菜膽豬肺湯
呢個湯真係冇得彈，做得非常出色，應該係我飲過嘅杏汁湯入面最好飲，因為我自己本身唔係太鍾意杏仁 但係佢有杏仁嘅香又唔會太濃 而且結結地飲落去口感更加好，仲要係超足料，一定要試吓。
清酒凍鮑魚
清酒鮑魚十分冰凍，所以口感比較爽口同埋有彈性，真係做到冰鎮嘅感覺。
蒜蓉粉絲蒸大元貝
呢個菜式其實周圍都有得食，個人應為正正常常味道合理。
白胡椒龍蝦粉絲煲
呢個絕對係今晚嘅一個重頭戲，白胡椒龍蝦喺呢度嘅招牌，果然有驚喜，胡椒味好濃郁，但又唔會太嗆口太辣，粉絲炒得好有鑊氣，真係好好食，龍蝦都食得出好新鮮有鮮甜味。
翡翠金沙蝦球
呢個又係冇得頂，金沙已經冇得輸，仲要係外皮嗰層炸漿薄得黎勁脆口，蝦球非常大粒同埋爽彈，好好食。
最後就係甜品，木瓜雪耳糖水，原汁原味感覺係好健康無添加，今日呢餐真係食得好滿足。
張貼
