上海弄堂菜肉餛飩 (綿發街) (已結業)

跑馬地呢個地方，一聽落去就係賽馬，或者就係非富則貴嘅人住個地方，咁係食野方面就更加唔洗講，去跑馬地食飯都多數係貴！但友人介紹咗我食呢間，唔單止好食，仲要價錢我覺得我以接受。可能我屬於港島人，覺得餐廳唔難搵。第一道菜係冷盤，鎮江肴肉，肥肉個部份咬入口唔會覺得好肥(利)，而瘦肉個部位都唔會好硬好難咬，反而覺得好霖。第二道菜係我最愛個回窩肉，想知一間上海菜成唔成功，試個回窩肉就知，果然不負眾望！然後雲吞雞，個湯比較咸，可能比較足料，有金華火煺，如果冇咁咸就好。炒飯炒到一粒粒，正！