影片
更多
2019-09-04
114 瀏覽
今日約咗男朋友同埋佢屋企人一齊打邊爐，大家都想打邊爐但係又唔想係屋企搞咁多嘢🤣嫌麻煩，所以就大家一齊出去打邊爐🥳第一次去呢間鋪頭打邊爐，位置都算好搵，佐敦出口行6，7分鐘左右就到👍呢間打邊爐比我感覺係行高尚路線嘅，因為價錢有點貴喔。但係食落就知道佢食材新鮮，所以係值回票價嘅。服務十分之好，侍應都好有笑容同埋好Nice嘅，好有禮貌❤️湯底選擇都好多，望落去都感覺好養生（依家呢個年紀要開始養生）靚仔侍應哥哥介紹食佢哋啲特別食物，有好多都係自己包或者手打既，佢特別推介牛有啲部位其他鋪頭食唔到，強烈推介嘅。😊其實佢仲有串燒Menu選擇嘅，但係我哋今次淨係想打邊爐所以就唔考慮嚕 😎又係自己選配料嘅時間啦，最鍾意可以有好多選擇，同埋鍾意落幾多份量就落幾多份量，好乾淨。「濃湯花膠雞翅鍋 $368」雞好新鮮好香，煮得岩岩好，有好多舊花膠同埋有翅喺面，即刻覺得呢個湯底咁貴好值得🤩我地有飲湯 好清甜 👍「黑松露蟹肉餃$128（1份）」完全冇諗過佢會咁重黑松露味，皮薄餡靚，煮一陣間就熟，一啖咬落去成個口都係黑松露嘅味，好香好正同埋有少少汁！我都好推薦大家食🤡auntie 都好鍾意 「黑松露鮮蝦雲吞 $58 （
第一次去呢間鋪頭打邊爐，位置都算好搵，佐敦出口行6，7分鐘左右就到👍
呢間打邊爐比我感覺係行高尚路線嘅，因為價錢有點貴喔。但係食落就知道佢食材新鮮，所以係值回票價嘅。服務十分之好，侍應都好有笑容同埋好Nice嘅，好有禮貌❤️
湯底選擇都好多，望落去都感覺好養生（依家呢個年紀要開始養生）
靚仔侍應哥哥介紹食佢哋啲特別食物，有好多都係自己包或者手打既，佢特別推介牛有啲部位其他鋪頭食唔到，強烈推介嘅。😊
其實佢仲有串燒Menu選擇嘅，但係我哋今次淨係想打邊爐所以就唔考慮嚕 😎
又係自己選配料嘅時間啦，最鍾意可以有好多選擇，同埋鍾意落幾多份量就落幾多份量，好乾淨。
「濃湯花膠雞翅鍋 $368」
雞好新鮮好香，煮得岩岩好，有好多舊花膠同埋有翅喺面，即刻覺得呢個湯底咁貴好值得🤩我地有飲湯 好清甜 👍
「黑松露蟹肉餃$128（1份）」
完全冇諗過佢會咁重黑松露味，皮薄餡靚，煮一陣間就熟，一啖咬落去成個口都係黑松露嘅味，好香好正同埋有少少汁！我都好推薦大家食🤡auntie 都好鍾意
「黑松露鮮蝦雲吞 $58 （半份）」
佢就冇啱啱嗰個餃子咁多黑松露，但係佢入邊有好大隻蝦，都係個皮好薄，冇諗過黑松未配雲吞可以咁夾😍4個人分量岩岩好
「本地新鮮封門柳 $238 」
本身冇話特別鍾意食牛，但男朋友係牛魔王，的而且確我俾佢嘅外貌吸引左，望都覺得新鮮，所以我都試咗一舊，感覺係好香嘅牛味，我唔太鍾意食牛嘅人都覺得佢好好味。😋
**但係要食肉類呢朋友就要預時間等，因為係新鮮即刻切出嚟，所以大家要比啲耐性😆
「西班牙黑毛豬豚肉 $187」
來自西班牙既黑毛豬，我男朋友成日都話要食西班牙啲食物好等佢可以重溫一下西班牙既回憶🤣好味，完全同一般嘅普通豬肉冇得比，有小小肥嘅豬豚肉令到佢好有口感。
「黃金炸魚皮 $88」
大家一定要叫，因為真係好好味！好好味！佢完全係新鮮即炸，同坊間買到嘅炸魚皮有啲似，但係佢新鮮即炸嘅鹹蛋魚皮❤️❤️
「手打梅菜豬肉丸 $58 （半份）」
大家有冇諗過平時喺屋企成日食到媽咪煮嘅梅菜蒸肉餅，竟然可以變成打邊爐嘅肉丸🤡我完全冇諗過食落口佢啲梅菜仲係一嚿嚿黐住，好特別好新鮮係完全冇喺出邊食過呢種丸，所以真係好值得一叫🤩
打邊爐唔多唔少都會有啲熱氣，飲番杯正氣嘅茅根就最好啦😍😍
張貼
