影片
更多
2016-08-03
22745 瀏覽
趁放暑假，今日同阿J個表弟仔在尖沙咀行街睇戲，見完場後都未到三點，一於同佢食個下午茶，問佢有咩想食，發育中的他話想食: 魚生、沙律、壽司、雞翼、串燒、pizza、點心、蛋糕、雪糕等等等等...總之咩都想食，呢個𡃁仔真係，精靈的阿J用了3秒就有答案: Tea Buffet !!尖沙咀，Tea Buffet，種類要多要啱發育中的大胃王 = Holiday Inn Bistro，暑假期間仲要有Openrice 65折，即去!!我們大約3:00 來到，Tea Buffet 剛開始，表弟仔二話不說，興奮攞碟開餐! 而我當然陪住高貴的阿J慢慢來啦。先來沙律及冷盤區，選擇同我之前來這裡的晚餐Buffet 差唔多一樣咁多，火腿也有多款，抵讚。特別一提下午茶也有凍大蝦及青口食，亦有數款壽司及鯛魚三文魚這兩款即切刺身供應，全都新鮮，有驚喜！表弟仔齋食魚生及壽司都已經3碟!! 睇情況佢不單只有本事幫自己回本，仲有空間幫我地成張枱回本，果然青春無敵。轉到熱盤，雞翼-有蒜香雞翼，Pizza-有夏威夷pizza，點心-有豬肉燒賣，串燒-有雞肉串，表弟要求的，全部都有得食，怪不得表弟仔有㸃失控，莫非他有選擇困難症?
尖沙咀，Tea Buffet，種類要多要啱發育中的大胃王 = Holiday Inn Bistro，暑假期間仲要有Openrice 65折，即去!!
我們大約3:00 來到，Tea Buffet 剛開始，表弟仔二話不說，興奮攞碟開餐! 而我當然陪住高貴的阿J慢慢來啦。先來沙律及冷盤區，選擇同我之前來這裡的晚餐Buffet 差唔多一樣咁多，火腿也有多款，抵讚。
特別一提下午茶也有凍大蝦及青口食，亦有數款壽司及鯛魚三文魚這兩款即切刺身供應，全都新鮮，有驚喜！
表弟仔齋食魚生及壽司都已經3碟!! 睇情況佢不單只有本事幫自己回本，仲有空間幫我地成張枱回本，果然青春無敵。
轉到熱盤，雞翼-有蒜香雞翼，Pizza-有夏威夷pizza，點心-有豬肉燒賣，串燒-有雞肉串，表弟要求的，全部都有得食，怪不得表弟仔有㸃失控，莫非他有選擇困難症? 非也，只係一時太興𡚒，攪到個人兩頭"藤"，唔駛急，可以食到五點，大把時間。
以為熱盤係咁多?仲有超過一半未介紹，喜歡辣的，有印度雜菜咖喱以及咖喱角; 喜歡香口的，有泰式魚餅、蒜香芝士薯角及日式煎餃子; 連近年大熱的韓風都有兩款: 韓式泡菜年糕及韓式辣醬燴牛腩。想有澱粉質都肚? 無問題，飯有鰻魚炒飯，麵有草菇炆伊麵。未夠喉? 仲有廚師即場為你煮叻沙海鮮湯麵，good。
至於甜品，精緻果撻、小糖果、蛋糕及鬆餅全都有供應，重點推介即制班戟及Haagen-Dazs 雪糕，oh，看來今晚我不用吃飯了。
話得係下午茶，當然要有飲番杯飲品la，自助熱朱古力、咖啡、茶包及兩款果汁任君選擇，想再飲得健康d 可加$38 upgrade 任飲六款即制特選新鮮果汁。
講到呢度，要再提提大家以上食物陣容只是下午茶Tea Buffet，唔好誤會係午餐或晚餐Buffet 喔。問表弟仔今餐下午茶滿意嗎？他邊狂吃邊玩Pokemon邊說：正!! 而我覺得這個"正"包含了: 食物水準雖不是頂級，但以這價錢可以食到這麼多食物種類，可以在尖沙咀舒舒服服地享受星級酒店環境及服務，無得頂呀!
當晚，姑姐致電跟我們說，表弟仔話這個暑假星期一至六下午茶知道要去邊度醫肚了，小朋友就是這麼直接簡單，真開心。
張貼
