翠林辣蟹舫

今日預祝好友生日，我特登帶佢去食尖沙咀嘅《翠林辣蟹舫 》食蟹，因為佢係一個蟹痴， 對蟹情有獨鍾！ 大家都心大心細， 有5種煮蟹方法可以揀👉，包括有避風塘炒蟹、黃金流沙蟹、蟹油醬香辣蟹、薑蔥乾煏蟹& 黑白胡椒蟹！🙌🙌最後我哋揀咗《黑白胡椒蟹》， 貪佢夠惹味！ 一上枱已經好吸精🤩🤩🤩，打卡一流！ 隻蟹啖啖肉， 好鬼大隻， 食落勁香勁惹味，我揀咗小辣啱啱好， 味道刺激得嚟又唔太辣！蟹肉鮮甜， 超結實，超爽口，食過返尋味！ 好正呀！ 廚師用了一個竹籠蒸《污糟雞》，一打開散發陣陣清香，原來用了荷葉鋪底，再配上榨菜、紅棗雲耳一齊蒸，味道好夾，好好食！ 雞件嫩滑，有雞味， 正！ 超級推介《黃金流沙蝦球》， 真係好，好，好，好食！ 蝦球一望落去已經好有睇頭， 好大件， 之後咬落去仲超鬆脆，蝦肉爽口彈牙， 仲帶有鹹蛋香味，超級好食！ 沾上自製沙律醬，味道就更加豐富啦！ 最後仲有一碟《拍蝦浸娃娃菜》，香芋配以上湯去煮，加上鮮甜蝦肉， 原來好香，好甜，好鮮， 娃娃菜又可以吸收到上湯精華， 真係美味之極了！