拉麵來 (已結業)

朋友話黎到大坑一定要試拉麵來，因為夠正宗。今日黎到附近，專誠一試。裝修環境幾有feel，日式屋店小店格局，用左日本七八十年代既舊海報同裝飾品，行懷舊和風。今次試既係蝦膏湯頭既拉麵，有驚喜。湯頭：好濃厚，好似飲緊龍蝦湯咁，但飲得出係用蝦膏去製，加左少少清酒調味，好香好濃。唔好選「濃厚」，因為我只係選左「普通」濃度，已經超濃厚。麵：都係揀左「普通」，麵質唔錯，質地適中，唔會淋，幾有咬感，條條分明，好夾個濃湯。材料：無叉燒，因為用左有半殻既鮮蝦，配合主題。仲有大量京蔥絲，原來配個蝦肉同蝦湯係好夾的！總評：咁特別既湯頭，但又不失拉麵既風味，正！最後全個湯俾我係飲到一滴不剩。一定會番兜，下次試下其他口味。