影片
更多
2022-10-11
102 瀏覽
今晚去完Sogo，男朋友約我dinner, 男朋友話有消費券，食餐好慶祝吓，揀咗去專門食我鍾意的蟹嘅日本餐廳，超興奮。餐廳侍應提意我地試下一人餐，反正未試過，一於試吓。蟹籽松葉蟹沙律蟹籽同松葉蟹肉好澎湃，堆到成個小山丘咁，不用剝殼，啖啖蟹肉嘅滋味真係爽。撈埋啲沙律菜一齊食，食落好清爽，好鮮甜。季節刺身四點刺身拼盤有四款，我哋仲額外加咗松葉蟹棒刺身。松葉蟹蟹棒有五隻，蟹腳肥嘟嘟，好飽滿，d肉好厚身，一食得出新鮮甜香，口感爽滑得來又帶點膠質，少少菊花花瓣，令蟹肉有股清香，好正。我食咗三隻，男朋友得兩隻，哈哈。跟餐嘅刺身有三文魚、油甘魚、蝦同金鯛魚，每人每款1件。三文魚同油甘魚都好肥美，赤蝦大大隻，膠質重，金雕魚好鮮甜。海膽蟹肉活帆立貝豐燒松葉蟹肉小山丘上邊鋪咗兩塊大大嘅海膽，仲有啲大大粒魚子，蟹肉下就係一隻巨型燒帆立貝。海膽、蟹肉同魚子溝埋一齊食，超鮮甜，唔會話邊樣搶咗邊樣鮮甜味，大滿足。巨型帆立貝口感充實得來唔會韌，好鮮味。和御牛柳粒有4粒，好香口，牛柳粒油香豐富，入口即溶，咬開係粉紅色，粉嫩粉嫩，好吸睛。食到舔舔脷，如果有多幾粒就好了。季節活蟹煮雜炊半隻活肉蟹煮呢碗雜炊，想啲粥唔鮮甜都
蟹籽松葉蟹沙律
蟹籽同松葉蟹肉好澎湃，堆到成個小山丘咁，不用剝殼，啖啖蟹肉嘅滋味真係爽。撈埋啲沙律菜一齊食，食落好清爽，好鮮甜。
季節刺身四點
刺身拼盤有四款，我哋仲額外加咗松葉蟹棒刺身。
松葉蟹蟹棒有五隻，蟹腳肥嘟嘟，好飽滿，d肉好厚身，一食得出新鮮甜香，口感爽滑得來又帶點膠質，少少菊花花瓣，令蟹肉有股清香，好正。我食咗三隻，男朋友得兩隻，哈哈。
跟餐嘅刺身有三文魚、油甘魚、蝦同金鯛魚，每人每款1件。三文魚同油甘魚都好肥美，赤蝦大大隻，膠質重，金雕魚好鮮甜。
海膽蟹肉活帆立貝豐燒
松葉蟹肉小山丘上邊鋪咗兩塊大大嘅海膽，仲有啲大大粒魚子，蟹肉下就係一隻巨型燒帆立貝。海膽、蟹肉同魚子溝埋一齊食，超鮮甜，唔會話邊樣搶咗邊樣鮮甜味，大滿足。巨型帆立貝口感充實得來唔會韌，好鮮味。
和御牛柳粒
有4粒，好香口，牛柳粒油香豐富，入口即溶，咬開係粉紅色，粉嫩粉嫩，好吸睛。食到舔舔脷，如果有多幾粒就好了。
季節活蟹煮雜炊
半隻活肉蟹煮呢碗雜炊，想啲粥唔鮮甜都幾難，我將啲蟹肉拆晒落啲粥度一齊食，都係呢句超鮮甜，啲粥仲有啲蛋花，紅蘿蔔粒，蔥粒，菌粒做配料，個粥都幾綿，暖胃又飽肚。另外，用來做裝飾嘅蟹仔造型紅蘿蔔好可愛。
最後甜品，有黑糖厥餅、抹茶厥餅，每款一小件，唔錯。另外仲有奶凍，奶凍上面灑咗啲香濃朱古力粉，奶凍好香滑，奶味香濃，又唔滯，我好喜歡。
總括而言，食物新鮮好味。今日星期一都坐滿。我哋係6點幾到先好彩有位，卡位一早fully booking,下次想坐卡位一定要一早book枱。
張貼
