影片
更多
2016-11-27
5616 瀏覽
都有好一段時間無食過buffet, 今次就約埋三五知己嘗試一家buffet dinner. 酒店餐廳環境相當唔錯，一去到新環境當然要巡視下，食物種類夠多，有新鮮海鮮、日式刺身及壽司、熱盤和各類甜品及雪糕。日式刺身吧有名類刺身包括三文魚,吞拿魚，希靈魚及八爪魚籮等，刺身好新鮮一d渣都無，喜愛澱粉既朋友亦可選擇壽司添。刺身吧內亦可同師傅講要生蠔，當日提供既係美國生蠔，肥美易入口而且口感夠smooth,少不了要encore多幾次。沙律吧就正常，選擇算多，隔離就係新鮮海鮮區，我覺得蟹腳幾好，鮮甜得黎又夠啖啖肉，一d腥都唔會有，鮮蝦同青口都唔錯，夠新鮮。去到熱盤區甘得意既，好似去左澳門甘多萄國美食，有馬介休球、香辣沙甸魚、萄式乳豬炒飯同萄tart, 問返經理先知當日做緊歐陸美食節所以有甘多萄式美食，個人幾鐘意個乳豬炒飯因為皮夠脆肉夠入味，萄tart同澳門地道食既差別不大。係歐陸美食區既附近有一部芝士機，好奇一問先知道原來可將瑞士芝士整熱到溶溶地，師傅再將溶左既芝士加落你選擇既配菜到，例如長通粉、法包、炸雞或薯角，我就主攻長通粉同法包，配上拉絲既芝士溶真係停唔到口，芝士炸雞應該就係較韓式既食法。最
都有好一段時間無食過buffet, 今次就約埋三五知己嘗試一家buffet dinner. 酒店餐廳環境相當唔錯，一去到新環境當然要巡視下，食物種類夠多，有新鮮海鮮、日式刺身及壽司、熱盤和各類甜品及雪糕。
日式刺身吧有名類刺身包括三文魚,吞拿魚，希靈魚及八爪魚籮等，刺身好新鮮一d渣都無，喜愛澱粉既朋友亦可選擇壽司添。刺身吧內亦可同師傅講要生蠔，當日提供既係美國生蠔，肥美易入口而且口感夠smooth,少不了要encore多幾次。
沙律吧就正常，選擇算多，隔離就係新鮮海鮮區，我覺得蟹腳幾好，鮮甜得黎又夠啖啖肉，一d腥都唔會有，鮮蝦同青口都唔錯，夠新鮮。
去到熱盤區甘得意既，好似去左澳門甘多萄國美食，有馬介休球、香辣沙甸魚、萄式乳豬炒飯同萄tart, 問返經理先知當日做緊歐陸美食節所以有甘多萄式美食，個人幾鐘意個乳豬炒飯因為皮夠脆肉夠入味，萄tart同澳門地道食既差別不大。
係歐陸美食區既附近有一部芝士機，好奇一問先知道原來可將瑞士芝士整熱到溶溶地，師傅再將溶左既芝士加落你選擇既配菜到，例如長通粉、法包、炸雞或薯角，我就主攻長通粉同法包，配上拉絲既芝士溶真係停唔到口，芝士炸雞應該就係較韓式既食法。
最後就係甜品區啦，各式生果例如西瓜、哈蜜瓜夠新鮮夠甜，而且refill得好快。除左生果外，仲有一部自制pancake機，只需一分鐘熱辣辣既pancake就整好，可以自選唔同toppings或sauce. 隔離既雪糕係Movenpick的，有朱古力、雲呢拿、綠茶、草莓味，可以加落雪糕cone或杯甚至同pancake一齊食都得。
張貼
