鮨一 (厚福街)

營業中

休息中

黎到最近人氣好旺既日本餐廳，專登黎試下佢地既海膽don! 去到果度，果然係非常爆場，等位既通道都塞滿晒人🙈 好在吾算等好耐入得。鮨一千層海膽Don $298，海膽don有三個size , 我揀左中間果個，賣相好吸引！呢個size 已經夠多海膽，同朋友share 食都滿足了💕 海膽好新鮮😍 下面就有吞拿魚蓉，一大啖由上而下筆落去食，好正呀！.鹽燒牛舌 2串 $56 ，估吾到佢地既燒物咁正！呢個牛舌好厚切、肥美，最正係算軟腍，吾會黏牙，沾上鹽後味道更突出😋👍🏼.G one salad $128, 呢個應該係佢地既招牌沙律，果然名不虛傳，夾雜住好多款刺身既切粒，仲要吾係頹貨，啖啖都好豐富，好好食呀！😋特上錦繡刺身(8款) $468，呢餐既最愛就係呢個刺身拼盤，刺身吾單止夠新鮮、肥美，有d魚刺身係好吾常見，係香港應該吾多餐廳可以食到，享用既時候仲有新奇感，好讚呀！完全係心心眼、大滿足呀！😍 雖然係有點貴，但呢個水準，我覺得值得。