更多
2019-04-29
1416 瀏覽
作為一個牛迷，得知元朗有一個食全牛既火鍋店，一於襯住復活節四日長期，同埋男朋友入黎試一試佢。😋😋😋.黎到616牛肉專門店，已經係夜晚既十點，估唔到入面重有唔少客人，睇黎食物既水準應該相當唔錯。.一坐底，我地已經急不及點餐。餐廳係用ipad 點餐，非常方便快捷。而且侍應見我地第一次黎，重好貼心咁為我地講解咗ipad既用法同埋推介咗唔同部位既牛肉俾我地。.係店員既推介之下，我地簡咗鴛鴦酸菜牛骨湯底。酸菜湯底非常夠味，加上少少辣，令人好開胃；至於另一邊既牛骨湯底亦都唔輸蝕，湯底非常清甜，牛腩又入味又淋.係牛肉方面，我地方便揀咗匙柄、美國天然牛胛肩翼、三花腱同牛舌。值得一讚既係牛胛肩翼肉質結實，無筋夾雜，入口整片十分柔嫩重有一個驚喜就係牛舌，入口爽脆彈牙，肉質軟滑。另外，我地重叫咗黑豚梅花肉、響鈴、娃娃菜、雙拼牛肉餃、烏冬雙拼牛肉餃包括咗原味同麻辣，一咬落去，無論係原味定麻辣，新鮮既肉汁都係口入面爆發出黎，濃郁既牛肉味久久揮之不去，係口腔入面迴盪。👍🏻👍🏻👍🏻唯一既小失望就係黑豚梅花肉，肉質比較粗糙。但對於一間專食牛肉既專門店黎講，絕對係情有可原。$28兩個稻庭烏冬，價錢合理，烏冬爽口彈牙。自
.
黎到616牛肉專門店，已經係夜晚既十點，估唔到入面重有唔少客人，睇黎食物既水準應該相當唔錯。
.
一坐底，我地已經急不及點餐。餐廳係用ipad 點餐，非常方便快捷。而且侍應見我地第一次黎，重好貼心咁為我地講解咗ipad既用法同埋推介咗唔同部位既牛肉俾我地。
.
係店員既推介之下，我地簡咗鴛鴦酸菜牛骨湯底。
酸菜湯底非常夠味，加上少少辣，令人好開胃；至於另一邊既牛骨湯底亦都唔輸蝕，湯底非常清甜，牛腩又入味又淋
.
係牛肉方面，我地方便揀咗匙柄、美國天然牛胛肩翼、三花腱同牛舌。
值得一讚既係牛胛肩翼肉質結實，無筋夾雜，入口整片十分柔嫩
重有一個驚喜就係牛舌，入口爽脆彈牙，肉質軟滑。
另外，我地重叫咗黑豚梅花肉、響鈴、娃娃菜、雙拼牛肉餃、烏冬
雙拼牛肉餃包括咗原味同麻辣，一咬落去，無論係原味定麻辣，新鮮既肉汁都係口入面爆發出黎，濃郁既牛肉味久久揮之不去，係口腔入面迴盪。👍🏻👍🏻👍🏻
唯一既小失望就係黑豚梅花肉，肉質比較粗糙。但對於一間專食牛肉既專門店黎講，絕對係情有可原。
$28兩個稻庭烏冬，價錢合理，烏冬爽口彈牙。
自家製玫瑰洛神花茶，酸酸甜甜，非常適合打邊爐時候飲，可以消滯解膩。
.
最後埋單，食到肚都漲哂，計埋折扣每位都係200蚊，簡直係物超所值！推薦大家都可以試下616。
張貼
