鮨一 (厚福街)

營業中

休息中

尖沙咀厚福街一向食肆臨立，今次同朋友黎到好出名好多人推介既鮨一居酒屋。尖沙咀店佔大廈三層，入面環境好舒服，座位寬敞闊落，坐得好舒服好多酒樽裝飾品，好符合居酒屋環境。餐廳職員都會好細心咁向顧客查詢有無乜唔食或者唔鐘意食。首先第一道菜就係吞拿魚腩同海膽帶子手卷，滿滿既海膽加上帶子新鮮好鮮甜，仲有金箔，好有睇頭。 吞拿魚腩手卷口感好豐富香口，用料十足。刺身方面種類多，都好新鮮同好鮮甜，有好多唔同魚既種類，如果唔係太食魚既，可以同職員事先講聲。由於刺身厚切關係，口感當然無得輸。之後到辣酒煮廣島蠔，湯底夠唒辣，鐘意辣野朋友仔絕對可以試下，廣島蠔隻隻好飽滿，一個字正，蘿蔔夠腍入唒味，不如如果唔鐘意芫茜既人可能會有小小抗拒。之後仲叫左小小串燒，本人都未食過煙肉荔枝串，比我想像好吸引，燒完既荔枝仲係好夠汁，加上煙肉，意想不到地夾。