南瀛水產

好耐無食過燒海鮮啦！尖沙咀呢間南瀛水產有著居酒屋既擺設，角落擺滿日本酒，超有氣勢！而每枱都有個爐仔，叫燒海鮮既話會有專人去你位負責燒🙆🏻‍♀️好方便👍🏻.我地叫左如下😋🦪活貝盛合🦀蟹味噌甲羅燒🦀松葉蟹海膽斧飯🥩牛肉烏冬👅香蒜牛舌🥗海鮮沙律🍑白桃梳打.活貝盛合好大盤，裡面有超大扇貝、鮑魚、生蠔同蜆！勁新鮮！鮑魚好生猛仲郁緊！店員就來到我地枱邊幫手燒，熟練的手勢，再加上火喉同簡單調味料，燒海鮮已經好好食好鮮！係呢度必叫！而蟹味噌甲羅燒，就係原個蟹蓋裡裝住蟹膏蟹肉再加蛋同蔥，撈勻後燒香，好濃郁的蟹味！.松葉蟹海膽斧飯，一大鍋上，會擺在爐上關蓋一直燒熱，計好時間後店員就會撈勻再擺我地既食用碗上，香噴噴熱辣辣，之前去日本未有機會食斧飯，今次終於可以一試！冬天食就最啱了好暖胃😍.牛肉烏冬同海鮮沙律有驚喜！牛肉係一大片，有幾片，肉味濃，係靚既牛！而烏冬係讚歧烏冬，好軟好有口感，湯底係牛肉清湯，簡單又美味！海解沙律勁大碗！裡面仲要超多刺身，好新鮮！好滿足既一餐飯