鍋処雪舟 (已結業)

一年一度嘅周年紀念日，一定想食好啲！去唔到旅行，今次就帶我嚟到銅鑼灣呢一間日式火鍋！食完前菜之後，就上刺身，刺身好新鮮肥美，帶子好厚肉，好鮮甜！仲有拖羅入口即溶！好享受！叫咗一個飛驒牛火鍋同埋日式海鮮火鍋，牛肉見到已經好開胃！油脂分布均勻！雪花好靚！已經比眼睛非一般嘅享受！每一篇唔會好薄亦唔會太厚，厚度剛好！職員先用肥膏開鑊，再加入洋蔥爆香！爆香之後就添加醬油同埋上湯，職員亦會先問大家想要比較濃味定清甜，來決定醬油同清湯嘅比例。蔬菜超入味好鮮甜！食完蔬菜就加入牛肉，大概10秒牛肉就灼熟！牛肉纖維脂肪比例均勻，好林亦都好濃牛肉味，除咗牛味之外亦食到一份鮮甜味！我哋選擇咗加一份溫泉蛋來伴牛肉食，好滑！最後仲有一份餐廳自製嘅奶凍做甜品，好滑，奶味好香！呢個質素響香港唔係度度都容易搵到！有恍如置身日本嘅感覺，服務同食物質素都係超班！