燒蝦蝦 (金福閣） (已結業)

兩個半鐘頭任食海鮮 而且仲有清酒啤酒生啤任飲！！首先入座每日都會送一串白鱔同埋雪花和牛白鱔燒完之後非常好食 外皮香脆 鱔肉嫩滑多汁雪花和牛牛味濃郁呢度嘅重頭戲流水蝦大頭蝦係放喺魚缸入面可以自己去夾非常好玩隻隻都好生猛 夾出嚟嘅時候小心彈到成身都係水呀大頭蝦燒完之後都唔會好乾 大大隻好厚肉另外出面仲有自取海鮮區今日去到海鮮種類非常豐富鮑魚大大隻仲識郁好新鮮元貝都非常大粒厚肉而且洗乾淨曬唔使擔心另外仲有生蠔 蜆類 蟶子 沙白 海螺 八爪魚 魷魚 原條魚啱曬鍾意食海鮮嘅人除咗海鮮仲有多款嘅肉類 丸類 雞翼 串燒 蔬菜 瓜類 菇類 茄子等等放曬喺度任君選擇 包有一款啱食懶得燒嘅話呢度仲有熟食選擇有已經燒好嘅大頭蝦同埋炒蜆另外仲有炸 炒飯 咖喱魚蛋豬皮 中式老火湯同埋冬陰功湯最surprise係呢度有生啤 清酒 梅酒 啤酒任飲鍾意飲酒食海鮮嘅人真係啱曬唔啱酒精都唔緊要 仲有汽水紙包飲品 同埋花茶食飽仲有多款甜品雪糕 好滿足