尚鮮海鮮料理

營業中

休息中

政府俾左消費券，一定要約埋朋友出去食番餐好野，以慰勞一下自己。又藉口慶祝一下香港在奧運奪得1金2銀。朋友早前嚟過呢間尚鮮，話食材新鮮，非常好味。所以，我今次就約埋佢，上嚟試一下，正唔正先!朋友同我都唔食辣野，所以，我地首先選左一個清湯底，無咁肥膩。安格斯牛肉（必選）🌟🌟🌟🌟🌟～超，超，超，超好味。一見到，口水都流埋。色澤鮮艷，網型肥紋，肉質非常嫩滑。下湯涮一下，即刻攞上嚟就可以。配埋我自家製的配料，可以話一絕。👍👍👍👍👍鮮打四寶肉丸（必選）🌟🌟🌟🌟~肉丸有4款，每款兩粒，看上去非常精緻吸引。而且肉質軟滑彈口，讚!黑豚肉片~ 一樣吸引，肉味十足。脆肉鯇片～魚片非常新鮮，非常彈牙，爽脆，沒有腥味。一句到尾，食材非常新鮮，想打火煱，必考慮之選。