發哥粥底海鮮火鍋 (已結業)

觀塘區有好多食肆，但感覺上粥底火鍋表較少有，今日食咗成業街一間新開不久嘅發哥粥底火鍋呢度係一個價錢包海鮮加八款自選配料，另外任飲汽水同竹庶水日頭係冰室，晚上就食粥底火鍋，有趣！醬油坐低先上兩個開胃小食，包括係青瓜同埋鳳爪，酸酸辣辣幾過癮。再嚟一個時令燉湯，好足料，對於我哋少飲湯水嘅人就覺得好正，一盅有啲唔係好夠喉添上粥底後先灼海鮮。當中自己覺得最正喺龍蝦同羔蟹，龍蝦肉質爽口，新鮮，都幾大隻，肉都唔少。蟹嘅羔都非常鮮甜，十分正另外仲有海蝦，貴妃蚌，聖子，大蜆同多寶魚，款式又多又新鮮食完已經有七八成飽。其他配料仲有每台指定都有嘅安格斯牛肩肉，肉夠諗身，有牛味唔un 。另外仲自選左幾款配料包括日本黑豚肉，西班牙豬腩片，魚片頭，萵筍，自家製雲吞等等，都相當有水準，要食晒真係飽到上心口墨魚滑娃娃菜最後加入粥膽煮成海鮮粥，鮮味非常濃郁，自己再加入芫茜，香蔥，榨菜等，真停停唔到口，每人最少食咗三碗，飽到不行整體來講呢度嘅食物選料新鮮，水準幾高，加上招呼服務亦都唔錯，人均大約300鬆啲蚊嘅價錢，我覺得非常抵食，值得回頭。