我愛慢煮 (孖沙街) (已結業)

今日同朋友一齊去上環試下依間幾出名嘅慢煮餐廳，我自己試過一次慢煮嘅嘢食後，就愛上慢煮依樣嘢，所以今次去食都好期待🤤。咁依間餐廳就要叫完嘢食俾咗錢先嘅，咁我地一行四個人就叫咗好多嘢食，但其實夾埋先每人~$200，非常抵食👍🏻。一嚟就嚟咗支氣酒先，依支係西班牙麝香有氣酒（$188），四個人分啱啱好😂。飲落去偏甜，幾好飲👍🏻。跟住嚟咗個我地全場人都覺得好好食嘅炸蕃薯條（$28），佢啲蕃薯條薄薄地，口感好脆，配上黑松露醬簡直一流🤤😂，諗返起都覺得好食👍🏻👍🏻。24小時煙燻頂級安格斯牛肉（$98）都好快上咗🤤。睇落去好似細細份咁，但其實係因為佢卷埋咗咋😂，四個人分係啱啱好嘅👍🏻。賣相好靚，食落都好嫩滑同重牛味，調味啱啱好，唔會話搶咗主角嘅味道，正🤤。除咗慢煮牛，我地重叫咗塊細嘅頂級安格斯西冷牛扒（$148）。其實佢話就話細塊，但其實已經係出邊餐廳嘅正常份量😂。味道幾好，而且生熟度啱啱好，好正🤤。如果覺得唔夠味，可以落啲茄汁/芥末，都非常好食🤤。甜品方面，我就試咗慢煮白酒菠蘿配意大利雪糕（$30）。我想講，佢地啲甜品真係超抵食😍😍😍。$30一個甜品真係冇咩地方做到，重要佢嘅質素真係唔曳。依個慢煮白