瘋狂小面 (佳德商業大廈)

營業中

休息中

位於中環呢一間瘋狂小面係行街嘅時候途經所以上咗去試。 其實佢唔係好難搵只係喺中環扶手電梯附近，但係因為係樓上舖，所以有時可能會忽略咗佢。上到餐廳，餐廳都算幾大幾寬敞。 一點鐘時間，餐廳唔算多人，好彩唔使等位。佢個menu好精美，圖文並茂，有好多相。可以睇完再揀，感覺好安心。 而且佢有做套餐優惠，可以揀小食，主食，嘢飲同甜品。 視乎你想要邊一種配搭都得。煮食方面叫咗瘋狂燒白麵要白湯，加煎蛋同牛舌，小食方面就加錢要咗蒸蛋， 另外嘢飲方面我哋都要咗藍蝶花雪梨汁， 甜品就要咗成都老冰粉。燒白面嘅肉超好食， 鋪滿咗好多嘅雪菜， 湯底香濃。至於蒸蛋，蒸得超嫩滑，蛋香味重，再加埋少少肉碎，簡直一流。蝶豆花雪梨汁賣相超靚， 雪梨味濃，值得一試。成都老冰粉加咗提子乾，花生，少少糯米， 感覺上好似食緊啫喱咁，冰涼爽口。總括而言，呢間舖頭，值得再試。