影片
更多
2021-02-13
3008 瀏覽
喺旺角行行下街肚餓，咁啱見到個易拉架，好似係寫長阪燒午市啲壽司半價咁，大部分壽司都係十幾蚊有兩件，好似好抵食。咁於是又走左去食啦。去到之後見到啲定食都好抵，於是揀左兩個定食先。每份定食都包一個飯、一份沙律、小食同埋麵豉湯。沙律酸酸地幾開胃，今日嘅小食就係中華沙律。另外再叫多個茶碗蒸同埋幾款壽司。🐣燒雞扒溫泉蛋丼 $68雞扒有好多件，大約8-9件。表皮燒得好香脆，配埋個汁好好食。飯入面有少少菜同溫泉蛋，將溫泉蛋篤穿之後，蛋汁、菜、燒雞扒啲汁同埋飯撈埋一齊食好好食。🐷鹿兒島黑豚溫泉蛋丼 $88黑豚肉有八大塊，有幾塊係肥瘦相間，豚肉表面都係燒香左嘅。同上面個飯一樣，都係有溫泉蛋同埋菜，撈埋飯一齊食幾好食。不過我覺得雞扒啲肉滑啲，所以我鍾意雞扒飯多少少。🥚茶碗蒸 $18蛋味香濃，啲蛋好滑，仲有少少微微嘅甜味。入面仲有少少蝦同埋肉，幾好食。🍣京蔥三文魚（兩件）$13$13有兩件超抵食！仲要每件上面嘅三文魚都好大塊，三文魚味濃，配埋京蔥好香。🐚赤貝（兩件）$18赤貝味道好出，好鮮。除開$9一件，抵食。🎣劍魚腩（兩件）$18劍魚腩好厚好鮮，食完之後啲鮮味仲會喺口入面停留好耐。🦐甜蝦（兩件）$16口感
去到之後見到啲定食都好抵，於是揀左兩個定食先。每份定食都包一個飯、一份沙律、小食同埋麵豉湯。沙律酸酸地幾開胃，今日嘅小食就係中華沙律。另外再叫多個茶碗蒸同埋幾款壽司。
🐣燒雞扒溫泉蛋丼 $68
雞扒有好多件，大約8-9件。表皮燒得好香脆，配埋個汁好好食。飯入面有少少菜同溫泉蛋，將溫泉蛋篤穿之後，蛋汁、菜、燒雞扒啲汁同埋飯撈埋一齊食好好食。
🐷鹿兒島黑豚溫泉蛋丼 $88
黑豚肉有八大塊，有幾塊係肥瘦相間，豚肉表面都係燒香左嘅。同上面個飯一樣，都係有溫泉蛋同埋菜，撈埋飯一齊食幾好食。不過我覺得雞扒啲肉滑啲，所以我鍾意雞扒飯多少少。
🥚茶碗蒸 $18
蛋味香濃，啲蛋好滑，仲有少少微微嘅甜味。入面仲有少少蝦同埋肉，幾好食。
🍣京蔥三文魚（兩件）$13
$13有兩件超抵食！仲要每件上面嘅三文魚都好大塊，三文魚味濃，配埋京蔥好香。
🐚赤貝（兩件）$18
赤貝味道好出，好鮮。除開$9一件，抵食。
🎣劍魚腩（兩件）$18
劍魚腩好厚好鮮，食完之後啲鮮味仲會喺口入面停留好耐。
🦐甜蝦（兩件）$16
口感唔錯。
🐟立魚黑松露（兩件）$18
通常啲食物加左黑松露之後就會貴左好多，但呢到嘅黑松露立魚壽司都只係$9一件，相當抵食。黑松露都比得幾多，好香濃嘅黑松露味，壽司放入口之後黑松露味一直喺口入面徘徊。
埋單每人先$150但真係食左好多野，好飽。呢間真係好抵食。其實我地都差唔多三點先去食，理論上已經過左午飯時段，但都仲幾乎滿座，可見佢嘅受歡迎程度。
張貼
