THE HUNTER

超怡人舒適海景西餐呢間地中海西餐廳坐擁將軍澳跨灣大橋的壯麗海景，中午set lunch超豐富高值，食住好野睇靚景。Set lunch包含餐湯、前菜沙律、主菜、甜品和飲品，份量十足。餐湯牛油味幾重，好creamy。前菜沙律新鮮清爽，開胃一流。軟殼蟹漢堡係幾酥脆，蒜頭艾奧利醬汁都濃郁，但飽皮邊略嫌太燶，薯條夠香脆。澳洲36號濕熟成南部牛扒M2+肉質柔嫩多汁，配青胡椒醬幾清新，但原來叫七成太過over cook，下次都係叫五成，牛扒邊位燶邊脆口，搭配的薯條同樣出色。甜品焦糖燉蛋口感滑順，焦糖的微苦與蛋香的甜美配合一絶。整體餐廳環境舒適，海景迷人，食物同氛圍都不錯，是享受悠閒體驗既理想之選。