Walter Bistro (智選假日酒店) (已結業)

呢一間酒店,係開業冇幾耐，所以一定要去試一試。今次我哋兩個就去食咗個半自助餐,首先講吓佢嘅前排先,對於我來佢嘅前菜既一般自助餐真係冇乜分別,所以半自助餐黎講都唔錯。佢乜都有，例如，凍長蟹腳，凍蝦，凍螺，青口，凍蟹鉗，仲有蠔，基本壽司，沙律，幾個熱盆，甜品，蟹粥，即燒芝士，雪糕......應有盡有。必食之選蠔，佢好清甜多汁，係一食難忘，食完再食，狂食都得，依家講起都好回味。其他都做到自助餐要求，一啲都唔hea，因為太多，不能一一介紹。仲要包每人一個燉湯，每人半隻龍蝦,一人一隻鮑魚。主菜我地分別選左係M6級和牛同埋波士頓龍蝦長通粉。個和牛食落真心高質，仲要我肯定個廚師係好俾心機，個和牛食落有口感得黎又鎖得住啲肉汁，食落好有層次。個長通粉一定有細心調較個火位，唔太硬又唔太軟，軟硬度岩岩好，個龍蝦就更加有驚喜,佢幫個完全脫晒啲硬殼，食落好方便仲啖啖肉添。