云手工火鍋店

營業中

休息中

📍云手工火鍋店尖沙咀大把打邊爐或者放題店，但有時都想食間精緻啲嘅打邊爐㗎，今次就試吓呢間📍云手工火鍋店，但大家打邊爐嘅時候係咪淨係諗住有咩好靚嘅牛肉🐮食呢？而就忽略咗個湯底，呢間餐廳湯底先係靈魂啊，餐廳環境裝修都好舒服好闊落，餐牌選擇都好多唔同嘅款式全部仲係好多餐廳自己嘅手工丸，店員服務都好好👍👍不停幫我哋換碟，想知我食咗咩就繼續留意睇落去啦👇 —————————————-————👅 鮮椰青雞鍋嘩‼️‼️呢個椰子雞湯底真係不得了，佢直情唔係打邊爐嘅湯底啊我覺得😝😝，出邊叫椰子雞湯都無咁好飲，椰子雞湯底足足有半隻雞丶一個大椰青丶一個椰皇😮😮，超級足料，落咁多嘢好難唔好飲個喎，店員仲全程同我哋介紹湯底，佢哋完全無落味精，因為我飲晒成碗湯都完全無口渴嘅感覺👍真係俾個讚佢🥇🥇🥇—————————————-————👅 手工丸類👅黑松露蝦丸 半份呢啲手工丸唔洗講啦全部都超好食，蝦丸超級彈牙，黑松露味超濃郁，食完仲會有黑松露味係個口道👅 鹹蛋黃蝦丸 半份鹹蛋黃蝦丸意外地原來都幾夾個喎😂，蝦丸入邊包住啲鹹蛋黃，鹹蛋黃味幾出👅 爆漿芝士牛丸 半份牛丸好彈牙，牛肉味濃，芝士味就唔係好出————————————