影片
更多
2025-05-31
561 瀏覽
自助餐咩都有得食，真係好吸引，最近自助餐癮起，上網見到唔少人介紹位於沙田帝都酒店嘅「柏麗廳」，無論海鮮、刺身、甜品都非常吸引，所以決定黎試下。星期五至日晚餐時段有分3個價錢，我地選擇左19：30－22：00，成人每位＄489再加一，可以食到各式各樣嘅海鮮、刺身、鐵板、燉湯、甜品等等，真係諗起都開心呀。一開始就梗係食左海鮮先啦，龍蝦係我嘅最愛，大大隻之餘仲有好多蝦膏，蝦肉非常彈牙，味道鮮甜，肉質細嫩，生蠔方面即開即食，海水味重，入口肥美又creamy，至於青口都非常新鮮，蟹腳肉質飽滿彈牙，味道鮮甜。魚生方面都有好多款，三文魚、阿根廷紅蝦、帶子、立魚、蟹棒等等，紅蝦大大隻，味道鮮甜，帶子肉質細嫩柔軟，其他刺身每一啖都鮮甜嫩滑，令我地都encore 咗好幾轉。沙律吧有多款沙律，包括薯仔沙律、華多夫沙律、士多啤梨鮮果乳酪蝦沙律等等，最吸引係日式凍豆腐，入口非常嫩滑，配埋麻醬，真係令人一啖一啖咁食過不停。熟食方面，較為吸引係鐵板燒系列，廚師係客人面前煎各樣牛肉，散發出陣陣香氣，鐵板和牛薄切，肉質鮮嫩、牛味濃郁。除此之外，香煎芝士和牛漢堡同埋北海道白樺豚壽喜燒亦非常吸引。其他熟食仲有蒸蝦、炒龍蝦鉗
星期五至日晚餐時段有分3個價錢，我地選擇左19：30－22：00，成人每位＄489再加一，可以食到各式各樣嘅海鮮、刺身、鐵板、燉湯、甜品等等，真係諗起都開心呀。
一開始就梗係食左海鮮先啦，龍蝦係我嘅最愛，大大隻之餘仲有好多蝦膏，蝦肉非常彈牙，味道鮮甜，肉質細嫩，生蠔方面即開即食，海水味重，入口肥美又creamy，至於青口都非常新鮮，蟹腳肉質飽滿彈牙，味道鮮甜。
魚生方面都有好多款，三文魚、阿根廷紅蝦、帶子、立魚、蟹棒等等，紅蝦大大隻，味道鮮甜，帶子肉質細嫩柔軟，其他刺身每一啖都鮮甜嫩滑，令我地都encore 咗好幾轉。
沙律吧有多款沙律，包括薯仔沙律、華多夫沙律、士多啤梨鮮果乳酪蝦沙律等等，最吸引係日式凍豆腐，入口非常嫩滑，配埋麻醬，真係令人一啖一啖咁食過不停。
熟食方面，較為吸引係鐵板燒系列，廚師係客人面前煎各樣牛肉，散發出陣陣香氣，鐵板和牛薄切，肉質鮮嫩、牛味濃郁。除此之外，香煎芝士和牛漢堡同埋北海道白樺豚壽喜燒亦非常吸引。
其他熟食仲有蒸蝦、炒龍蝦鉗、鴨血、白酒煮蜆、燴鴨胸、意粉、炒飯等等，由幼兒到老人家都一定有野啱食，質素亦都唔錯。
湯品方面，中西湯任君選擇，中湯係杞子燉雞湯，以大量雞肉同杞子燉煮，味道清甜，有輕輕嘅藥膳香氣，非常足料。
甜品方面有各款蛋榚、麵包布丁、豆腐花、撻、啫喱同牛奶布丁等等，最值得一讚嘅係心太軟有畫碟服務，可以係碟上寫祝賀字句，打卡一流。心太軟切開後，流心朱古力醬湧出黎，朱古力味香濃，非常好味。雪糕係Movenpick， 有多款味道，今次仲試到從未食過嘅香蕉味添，如果唔喜歡食雪糕，仲有好幾款雪條，一定有嘢啱你食。
飲品除左果茶同咖啡之外，仲有即場調製嘅cocktail及mocktail, 算係自助餐少有之選。
埋單連加一每位成人約$500， 可以食到咁豐富嘅海鮮，和牛，主菜及甜品，算係性價比高。
張貼
