一鍋堂 (大鴻輝(荃灣)中心) (已搬遷) 新店位置

之前成日聽人講話一煱堂日日都排長龍，終於可以試下啦！不負眾望一出𨋢已經有幾十日等緊，好在一早喺Food Gulu攞定飛，咁大概等咗10分鐘就有位。我地揀咗一個黑松露湯底，跟手啲嘢食就上埋。但我個人覺得啲嘢食用咁嘅方式送嚟有點兒無謂，叫10樣嘢有10個tray，但tray𥚃又有extra一隻碟。首先不得不介紹佢地個肥牛，我諗係喺menu𥚃面嘅法式牛肉，平時任食嗰啲好多時都麻麻地，甚至試過差到咬落去個質感好似擦子膠咁，但呢度啲牛肉非常有牛肉味，口感一流。其次鱔片好新鮮同幾厚肉，放落黑松露湯內灼一灼，鱔嘅味道更出，冇諗過會咁配合喎！其他食材如粟米、芝心丸、水餃等等尚算可以。但總括來說俾咁嘅價錢而有咁嘅質素，可以話已經over哂。