凡高廚房

營業中

休息中

呢間餐廳未入到去嘅時候已經令到我哇哇聲 因為淨係門口我已經企咗五分鐘 喺度欣賞外面嘅畫 覺得自己好似去咗藝術博物館一樣入到餐廳個感覺完全一樣 都係好典也好靚嘅感覺 至於食物方面性價比好高 完全唔會因為裝修好靚而收到超貴我哋叫咗set lunch 頭盤非常有驚喜 好欣賞個三文魚卷 有三四重口感 每一層都好有特色 而且好香濃嘅味道 真係會開胃咗另外加咗一個海鮮拼盤 比我想像中更加新鮮 平日唔係太接受到生蠔嘅我 今次竟然都覺得好好食 絕對有機會因為呢間餐廳而愛上生蠔😝主食方面 我哋試咗一個蟹肉忌廉汁意粉 欣賞佢個汁做得好香濃 但唔會太鹹 而且個意粉質感係彈牙嘅 係高質嘅另外係超愛佢個牛扒 平日講七成熟 大部分餐廳都會整咗八成 咁就會嚡口喇 但係呢度啱啱好真係七成熟 令到佢肉質好細嫩 非常好味