三星台菜食堂 (新城市廣場一期) (已結業)

呢間店開左無耐，一直都想試下，前幾日終於有機會中午黎試下。我同朋友分別點左三星麵同牛肉麵。午市套餐餐牌無提到原來有幾款湯底／麵底選擇，待應都冇多加介紹同詢問，所以default 左係紅燒湯底，我地之後先發現有其他選擇。本身都幾期待個牛肉面，以為咁貴一定好正，點知...　因為實在太普通，所以冇影相。先講湯底，味道太甜，一丁點牛味都無，只有一陣羶臭味， 羶味有ｄ似羊肉。可能有人會鐘意羊肉湯既羶味，但呢個牛肉面既羶味同個湯完全唔夾，無層次，味道只有鹹味，甜味，羶味，冇任何既香味可言，難飲到食麵既時候要避開ｄ湯，或可加大量辣油呃自己既味覺，有下次的話亦可選擇走湯。分量方面相對少，麵質同牛肉都正常，但唔值呢個價錢。小食同野飲對比之下正常，但 小食份量太少， 質素普通。餐廳偏細，座位逼到快餐店咁，呢個價錢既麵店，對餐廳環境/服務應該有高少少既要求。沒有太多服務，自行賣單，最後仲要加一服務費。如果想食牛肉麵，附近都有其他選擇。