火鍋撚 (雲明行) (已結業)

今晚去左一大班人打邊爐呀，好耐無試過咁大班人去食啦，好期待呀。湯底叫左媽媽老火湯，係由多種材料做成，有雞，猴頭菇，紅蘿蔔同粟米等等。所以味道除左有雞既清甜，仲有其他材料既老火甜味，係相當足料。先黎個象拔蚌先啦，二話不說整舊刺身先，好爽甜呀，食得出好新鮮，好好味。再黎放湯，象拔蚌吸晒湯底精華，令甜味更加提升呀。仲有蝦滑同墨魚滑，口感好彈牙呀，味道又甜又滑，蝦同墨魚既鮮味好突出，不枉放湯係好味架。其他新鮮材料仲有珊瑚蚌，味道清爽，一食好容易上引，好快又想食身第二舊，而且加埋雞既精華味就零舍夾。最後點少得既當然係安格斯牛肉啦，一片片非常薄呀，突顯師傅既刀功呀，食落就更清楚牛肉雪花既分佈，令我感覺到脂肪係口部既翻滾，係高質既牛肉。