神燈海鮮酒家 (18廣場)

營業中

休息中

今次同朋友兩個人嚟食中菜，叫餸食飯。由於得兩個人叫唔到好多餸，淨係叫咗三個餸。三個餸我都幾滿意！.同鄉朋友好鍾意食蠔，所以我哋專登叫咗個砵酒焗桶蠔($208)。一鍋有七隻蠔左右，蠔size都幾大，食落有口感，整體唔錯！.另外都叫咗個鮮鳳梨咕嚕肉($118)。有咕嚕肉當然一定要有白飯($15)😆😆咕嚕肉味道酸酸甜甜，真係好啱送飯💜.仲有叫咗人一件椒鹽豬手($92/兩件)。椒鹽豬手即叫即炸，食落熱辣辣。豬皮炸得好鬆脆，入面食落都好滑💜同行朋友都覺得好好食，不過會覺得油膩咗少少。唔怕肥嘅人一定要叫椒鹽豬手試吓😆.另外都叫咗杯西瓜汁($30)。最後溫馨提示，前菜$25，茶錢每位$15。