影片
更多
2019-02-20
772 瀏覽
都有一段時間冇食過afternoon tea，最近見呢度做緊朱古力主題，價錢亦都可以接受，就提早一星期訂檯，要先落訂二百蚊。等緊食物時先試下無限量供應嘅軟雪糕，加左一層朱古力醬同少量金箔，賣相即時靚左！雪糕奶味幾濃，唔會過甜，加埋脆皮食係幾過癮，不過融得好快下，要快食。tea set先上鬆餅，有原味同朱古力味，有少少失望嘅係佢嘅jam、clotted cream同nutella都係用樽裝，新鮮程度即時大大降低個人認為至少clotted cream要係即整，不過好處就係jam同nutella食唔哂可以帶走，唔使浪費，不過侍應提醒要盡快放返入雪櫃呀。茶係用TWG品牌，上網睇過d介紹之後，我地叫左eternal summer tea & fruit mountain tea，我地兩個撈亂飲，我唔記得左邊一種係勁似藥水味，大家試過之後都覺得真係頂唔順，所以膽粗粗請侍應幫我地換另一款茶，佢亦都好爽快咁應承左，呢度係令人印象深刻嘅。之後上嘅係茶點，包括龍蝦酥盒、海鮮薯蓉卷、朱古力鵝肝、黑魚子醬煙三文魚同紅莓牛奶芝士。龍蝦酥盒同海鮮薯蓉卷幾香脆可口，黑魚子醬煙三文魚有鹹香，比較深刻嘅係朱古力鵝肝同紅
等緊食物時先試下無限量供應嘅軟雪糕，加左一層朱古力醬同少量金箔，賣相即時靚左！雪糕奶味幾濃，唔會過甜，加埋脆皮食係幾過癮，不過融得好快下，要快食。
tea set先上鬆餅，有原味同朱古力味，有少少失望嘅係佢嘅jam、clotted cream同nutella都係用樽裝，新鮮程度即時大大降低個人認為至少clotted cream要係即整，不過好處就係jam同nutella食唔哂可以帶走，唔使浪費，不過侍應提醒要盡快放返入雪櫃呀。
茶係用TWG品牌，上網睇過d介紹之後，我地叫左eternal summer tea & fruit mountain tea，我地兩個撈亂飲，我唔記得左邊一種係勁似藥水味，大家試過之後都覺得真係頂唔順，所以膽粗粗請侍應幫我地換另一款茶，佢亦都好爽快咁應承左，呢度係令人印象深刻嘅。
之後上嘅係茶點，包括龍蝦酥盒、海鮮薯蓉卷、朱古力鵝肝、黑魚子醬煙三文魚同紅莓牛奶芝士。
龍蝦酥盒同海鮮薯蓉卷幾香脆可口，黑魚子醬煙三文魚有鹹香，比較深刻嘅係朱古力鵝肝同紅莓牛奶芝士，朱古力鵝肝用上白朱古力，外甜內鹹，我覺得係特別嘅配搭，不過唔鐘意白朱古力嘅呀妹就覺得好古怪。紅莓牛奶芝士用brie cheese，加埋raspberry同餅乾幾襯呀。
甜點用玻璃罩加層架上，幾有諗頭，每款兩件，包括黑朱古力蛋糕配焦糖杏仁、朱古力榛子檸檬撻、榛子朱古力棒棒糖、紅棗子泡芙同榛子朱古力曲奇。我最鐘意榛子朱古力棒棒糖，食落似金莎，一咬落去就有澎湃嘅榛子醬，好正。
檸檬撻酸度好高，建議可以中段食，中和一下飽滯感。
其他三款不過不失啦，水準平均。
另外要提嘅係呢度有位女侍應影相非常專業！我地諗住叫佢幫手影一兩張，但係佢竟然喺多個唔同角度幫我地影左成十張，人同食物都影得幾好架，值得一讚。
下午茶分兩round，第一round係3-5點，下一round係5-7點，所以5點前就要埋單同離座架喇。PolyU學生或校友證有八五折。
張貼
