Butlery

營業中

休息中

Item: Butlery
Rating: 2
Author: lai christy

4.5

700 食評

味道

環境

服務

衛生

抵食

26267

沙田

$101-200

西式咖啡店

587

lai christy

等級2

由進門口一刻開始到最後離開沒有一刻感到滿意。首先我們大概8:30到了餐廳看到門口沒有人在等但是我們也取了號等叫號。等了大概5分鐘，職員叫飛是我們可以進去，但是中途完全沒有其他客人出來為什麼他一開始要我們再等票？裏面目測已經有三張吉枱。首先成晚所有員工一些笑容都沒有露出過，衰過去食大家樂，講真雖然唔係啲咩高級餐廳，但係起碼都唔算係茶餐廳掛收工想同朋友聚餐仲要睇你哋啲員工面色。然後明明當時8:30基本上都好少再有新客會入嚟，淨係目測隔離已經有一張大小小嘅四至五人枱我同朋友每人都攞住兩袋嘢又拎住遮竟然都係安排我哋坐喺轉角路邊最窄嘅二人枱，我哋完全坐得勁唔舒服，又冇位可以放嘢。一開始以為有人留咗枱最後發現完全冇。好大機會入面都其實仲有枱只係我哋睇唔到。之後去到落單一位身材瘦削年輕嘅女士侍應過嚟幫我哋落單，嚟到嘅時候已經黑晒面落單嘅時候個樣好唔情願咁樣，然後我問咗佢一句甜品而家落埋後上得唔得完全聽唔到任何回應我望住佢，佢先超級輕微點咗一下頭，落完單我同佢講留返一半餐牌，我再諗吓飲乜嘢嘢飲都冇應過我，跟住佢重複我哋嘅餐廳確認嘅時候語氣好明顯都係唔想做咁樣。我同朋友去到嗰一刻已經其實好嬲，每次叫佢拎嘢嚟，例如茄汁沙律醬佢個樣都好唔滿意。嘢食嚟嘅時候就咁放低喺張枱乜嘢都冇講，仲要一嘢放低好似去咗茶餐廳咁樣你唔介紹係啲咩？起碼都細細力放落嚟啊使唔使拍一聲放落張枱？然後我哋枱面已經有一碟小食同埋一碟意粉同埋兩杯嘢飲佢再拎一碟意粉嚟嘅時候個枱面比較迫，佢完全冇諗過幫我哋執好少少個位就咁喺側邊推隻新嘅意粉碟入去搞到另一邊意粉嗰個碟推跌咗我朋友嗰邊啲紙巾，食茶餐廳人哋都識幫你執吓個位放碟新嘅餸上嚟啦。以上講嘅嘢全部都係同一個侍應做嘅，只不過但係搵入嚟嘅男侍應同埋其他侍應都係一樣個樣黑到頂點。最搞笑嘅係佢哋同事傾偈嘅時候個樣係識笑㗎，即係對啲客就黑晒面同同事傾偈嗰時就笑？其實彼得呢個價錢已經唔希望有啲咩高級服務，但係連最基本嘅都冇服務衰過澳牛。已經要睇人面色啲嘢又唔係特別好食，嗌咗個薯條感覺一啲都唔似新鮮炸又唔好食，然後嗌咗個蒜香意粉除咗面頭有啲芝士嗰一啖正常味之外，下面全部個底都完全冇味嘅啲芝士又撈唔勻硬晒舦。完全唔明點解OpenRice會咁高評分真係好難唔令人覺得係買食評囉。其實餐廳裝修都唔係衰老實講如果員工態度好啲啲食物一般般我哋都冇所謂而家入嚟消費仲要受氣真係好唔滿意囉我強烈建議佢哋公司要重新做員工培訓或者起碼請啲識笑嘅人先囉，去寫企餐廳啲服務員起碼都識笑。