我愛慢煮 (普慶坊) (已結業)

因為有啲事要處理，去左甚少去嘅上環，上環的確係好多地方、街道都好有特色，順便都影左好多靚相🤣行下行下餓餓地，見間餐廳裝潢睇落幾有特色，就入去試下同埋影下相🤣餐牌上選擇唔算多，不過好多樣都啱口味，就決定點1款主食，3款小食，仲叫左個甜品添🤤🤤可以試多啲唔同野食🤤🤤其中炸蕃薯條真係無得輸，雖然好熱氣，不過蕃薯味好濃，加埋黑松露沙律醬，絕配～！芝士忌廉菠菜苗，重點係芝士同忌廉，好香好香，差啲空口飲晒成個忌廉汁🤣羊後膝比想像中大隻，酥味還可以，近骨位嘅肉會比較香酥比較嫩，都算唔錯！唯一我地覺得大啡菇可以大隻啲就會更好，人總是貪心的🤣🤣加埋飲品甜品，每人都唔使$180，CP值絕對唔錯！