影片
更多
2005-03-22
15 瀏覽
由於要郁手整過幾日派對食o既雞火腿，我尋日係打算收工就去街市買料，早早歸家醃野。忽然接倒老友來電，話已辭去勁多是非、令佢非常煩惱o既現職，四月就番新工﹝重要係俾人加薪挖角果隻﹞，所以想趁得閒同各方好友吃飯吹水。咁高興o既事，當然要奉陪啦！不過要拎住成「揪」街市野，包括急凍雞扒數件、洋蔥、薑蒜等去食呢個晚餐囉！拎住咁「糯」o既行裝，梗係要去個高檔得黎又近碼頭o既地步至過癮啦，於是由做東o既老友發板，由鵝頸橋街市打的去文華。帶住一袋肉同菜去文華又係幾有feel的，不過我都有自備購物袋，所以冇話拎住幾個背心膠袋行入去咁「揚」，哈！由於伯母當晚都煮左老友飯，所以佢表示唔會食太多，不過至緊要我夠飽喎‧‧‧結果一打開餐牌，佢就雙眼放光，又想飲呢個湯、又話果兩味前菜好似好好味，結果兩個女仔叫左一個薄切生牛肉沙律、各叫左一個湯﹝冬蔭公同黑菌忌廉湯﹞同埋辣羊肉蕃茄沙律。餐飽係一貫水準，熱而脆，尤其係個芝麻bagel，好香好軟熟，配橄欖油軟芝士醬係非常好味。薄切生牛肉沙律裝盤都幾靚，鮮紅o既生牛肉圍住中間o既野菜沙律，再淋上濃濃o既陳醋醬，甜甜地，味道都唔錯。不過D牛肉因為太薄，所以黐住個碟，一掂就爛成一
由於伯母當晚都煮左老友飯，所以佢表示唔會食太多，不過至緊要我夠飽喎‧‧‧結果一打開餐牌，佢就雙眼放光，又想飲呢個湯、又話果兩味前菜好似好好味，結果兩個女仔叫左一個薄切生牛肉沙律、各叫左一個湯﹝冬蔭公同黑菌忌廉湯﹞同埋辣羊肉蕃茄沙律。
餐飽係一貫水準，熱而脆，尤其係個芝麻bagel，好香好軟熟，配橄欖油軟芝士醬係非常好味。薄切生牛肉沙律裝盤都幾靚，鮮紅o既生牛肉圍住中間o既野菜沙律，再淋上濃濃o既陳醋醬，甜甜地，味道都唔錯。不過D牛肉因為太薄，所以黐住個碟，一掂就爛成一團，而且灑上o既即磨海鹽亦有部份較粗粒，咬倒重以為有沙！老友叫o既冬蔭公係連一碗絲苗白飯、細碟魚露同辣醬上o既，上檯時聞倒陣陣飯香，賣相亦唔錯，重有一支新鮮香茅俾人客攪下個湯，叫增加下香味咁啦！不過賣相同用料雖然係好，個湯卻係唔夠酸又唔夠辣，香料味亦唔夠，畢竟西廚煮東南亞野，本來就唔應該有期望啦！我個黑菌忌廉湯就不過不失，黑菌味幾香，忌廉份量亦恰到好處，唔會太膩滯，配湯o既pesto多士就差D，唔香而且好似隔夜麵包咁，硬梆梆，點左湯之後就碎開，唔掂。個辣羊肉蕃茄沙律基本上味道係Ok的，不過D切片羊肉﹝外形似鴨胸﹞一D都食唔出有辣味，真係唔明點解叫辣羊肉囉。墊底o既係青蕃茄伴過水o既生洋蔥﹝所以亦唔辣﹞，個汁好香薄荷同茴香味，同羊肉好夾味。
食完以上幾味都好飽，老友亦因為歸家重有一餐而放棄叫甜品。兩個人傾傾講講，不覺都傾到近十點。由於係老友補請上次放我飛機o既一餐，所以唔知幾錢，估計一人250元左右吧！
文華coffee shop 的食物水準一向都唔錯，不過仍然以意大利菜式為佳。個人就鍾意佢o既甜品多D，加上地方確係舒適，所以同老友都幾鍾意黎的飲野同食cake。
張貼