影片
更多
2021-07-31
4604 瀏覽
疫情後第一次嘅酒店Tea buffet，真係好耐冇食過放題或者自助餐啦！由於係酒粒B婆婆的生日關係，就輕鬆一下出去食個Tea buffet啦!位於尖東嘅Cafe East @千禧新世界酒店, 前身為日航酒店，而Cafe East 係位於一樓，地方唔算好大，留意到所供應的食物，應該同Lunch Buffet差唔多，從凍海鮮、刺身、壽司、沙律、芝士、點心、即煮粉麵、印度專區、甜品都有，雖然款式選擇就唔算好多，但係都已經好齊全。當日我訂枱訂三大一小，而我是用孭帶孭住酒粒B入座，職員沒有主動為我安排High Chair，感覺有點不細心，但係詢問之後都有為我即時安排。另外仲幫我即時安排埋兒童餐盤、杯子同餐具，非常好，而整個用餐過程職員收餐碟到都很快。由於是疫情期間😷，大家都比較關注衛生嘅問題，枱面已經細心準備好口罩套俾大家使用，有大量紙巾和酒精紙巾，感到安心。飲品: 包餐飲一杯，可選咖啡☕️或茶🫖🍋。湯類： 人蔘鮑魚雞湯 - 我哋三個人，畢左三碗，得一碗畢到有鮑魚，感覺有少少咸，但人蔘同雞香味都算幾濃郁，可以一試，用嚟暖一暖胃！另外仲有蘑菇湯同埋蓮藕章魚豬手湯。凍海鮮：🦞🦀原定下午茶時段都會有長腳
位於尖東嘅Cafe East @千禧新世界酒店, 前身為日航酒店，而Cafe East 係位於一樓，地方唔算好大，留意到所供應的食物，應該同Lunch Buffet差唔多，從凍海鮮、刺身、壽司、沙律、芝士、點心、即煮粉麵、印度專區、甜品都有，雖然款式選擇就唔算好多，但係都已經好齊全。
當日我訂枱訂三大一小，而我是用孭帶孭住酒粒B入座，職員沒有主動為我安排High Chair，感覺有點不細心，但係詢問之後都有為我即時安排。另外仲幫我即時安排埋兒童餐盤、杯子同餐具，非常好，而整個用餐過程職員收餐碟到都很快。
由於是疫情期間😷，大家都比較關注衛生嘅問題，枱面已經細心準備好口罩套俾大家使用，有大量紙巾和酒精紙巾，感到安心。
飲品: 包餐飲一杯，可選咖啡☕️或茶🫖🍋。
湯類： 人蔘鮑魚雞湯 - 我哋三個人，畢左三碗，得一碗畢到有鮑魚，感覺有少少咸，但人蔘同雞香味都算幾濃郁，可以一試，用嚟暖一暖胃！另外仲有蘑菇湯同埋蓮藕章魚豬手湯。
凍海鮮：🦞🦀
原定下午茶時段都會有長腳蟹腳，confirm booking 前一日已經通知了冇長腳蟹腳，會以麵包蟹代替，當日其他嘅凍海鮮就有龍蝦鉗、青口同小龍蝦。
我只係試左龍蝦鉗🦞，肉質OK，都鮮甜！但係就比較多水，由於我要照顧酒粒B，所以我就無食太多了，會整到雙手好濕，唔不太方便食太多呢類要做功夫先食到嘅海鮮。
頭盤、沙律：有煙三文魚，少量頭盤沙律
刺身、壽司：有三文魚、吞拿魚和希靈魚
燒烤：有部份燒好嘅肉類，有雞翼、雞軟骨、牛柳粒，味道都OK。
即煎鐵板燒，和牛牛扒三文魚和豬扒
☑️推介三文魚，酒粒B食到舔舔脷
❎不推介牛扒，我唔覺得似和牛，仲覺得落咗鬆肉粉
熱盤：有即炸天婦羅，新鮮熱辣真係好好好味(有炸蝦、蔬菜番薯、炸魚柳等)、醬燒豬肋骨、燒味(白切雞、叉燒、燒鴨)、海鮮意粉、炒飯。
點心和即煮粉麵🍜：我記得有燒賣同叉燒包(自製嘅叉燒包味道不太好，我相信冇人自助餐會食叉燒包吧！個叉燒包我係比阿女食嘅，所以我都試咗味🤣)，而即煮粉麵，好似有雲吞同埋蝦丸，同行友人嘅feedback表示味道還可。
甜品、水果🍰🧁：值得一讚嘅係甜品款式好多，全部都放喺雪櫃裏面👍🏻，需要職員攞出嚟，衛生
又凍冰冰！👍🏻正！款式多到花多眼亂！好想每一個款都試吓！有香橙酥盒、朱古力香蕉蛋糕、柚子芝士蛋糕、士多啤梨mousse、鮮果撻、芝士餅、朱古力撻。
好想試香橙酥盒，最後返轉頭已經冇晒!
特別推介：烏龍茶奶蓋、冬瓜茶啫喱(估唔到呢度會食到烏龍茶奶蓋，烏龍茶🧋變咗做啫喱，上面加奶蓋，食落去好清新好正！👍🏻👍🏻👍🏻👍🏻👍🏻)冬瓜茶啫喱又係好有驚喜！清新唔會死甜！水果就有西瓜、蜜瓜同埋菠蘿🍉🍈🍍
另外熱甜品有豆腐花🍮同埋桃膠糖水，很滋陰。仲有即整嘅班戟🥞同埋Waffle🧇 ，小朋友一定鍾意。
雪糕🍦🍨：雖然沒有名牌雪糕(利申我不是名牌雪糕的粉絲)，但有兩款口味的乳酪軟雪糕，當日既分別係藍莓🫐同埋芒果🥭乳酪口味，反而係一個好好嘅refreshment。👍🏻like!
職員態度服務良好，有禮貌，座位與座位之間都有安全距離，整體對這一餐滿意，有機會都想試吓staycation加飲食套餐。
🌟🌟🌟優惠方面：可即時免費登記做會員，依家做緊promotion 可以得到買二送一嘅優惠，我哋共三位所以就用咗呢個優惠啦，如第四位光顧，第四位以上可以使用七五折優惠。而三歲以下嘅小童係免費嘅。
#teabuffet #香港下午茶
#buy2get1Free
#buffetpromotion #飲食優惠
張貼