影片
更多
2012-11-09
66 瀏覽
小妹今年牛一，好友A君一早打電話訂位，都淨係得waiting list 囉，好彩27號酒店打黎話有位。但去到之後發現，全場都係得約七成的入座率，點解會咁啦？小妹百思不得其解……Waiters 都係後生仔女，穿著淺色休閒服，睇落好young同有活力。我哋被安排坐近門口的窗邊位，一邊食，一邊望住花園的綠色植物及藍天，好舒服同relax。小妹先試左佢哋d三文魚同甜蝦，雜錦刺身飯，以及北京烤鴨。三文魚、甜蝦肉質鮮甜彈牙，入口甘香。雜錦刺身飯夠粘，刺身肥美爽甜，口感豐富。北京烤鴨皮切得夠薄，皮脆而不膩、配上清爽的青瓜及京蔥提味，再加上甜醬，以薄餅皮包裹，一口咬落去，油香四溢而不油膩，惜餅皮未夠熱且偏韌。 中式蝦餃及燒賣也頗有水準，皮薄餡靚，蝦鮮肉爽。長腳蟹及凍蝦肉質實淨、鮮甜肥美，絕非坊間酒店一般貨色﹗三文魚暏喱則較普通。 Eggs Benedict水煮蛋好好味，烹調火喉啱啱好。用刀切開隻蛋，蛋汁徐徐流出，蛋香滲透入最底層的English Muffin麵包中，配合鹹香的煙肉，味道超正。碩大而鮮美的帶子則頂瓜瓜，難得一遇，小妹共吃了半打﹗帶子鮮甜有嚼口，配合魚子或蟹子，再加creamy醬汁，簡直係
小妹先試左佢哋d三文魚同甜蝦，雜錦刺身飯，以及北京烤鴨。三文魚、甜蝦肉質鮮甜彈牙，入口甘香。雜錦刺身飯夠粘，刺身肥美爽甜，口感豐富。北京烤鴨皮切得夠薄，皮脆而不膩、配上清爽的青瓜及京蔥提味，再加上甜醬，以薄餅皮包裹，一口咬落去，油香四溢而不油膩，惜餅皮未夠熱且偏韌。
中式蝦餃及燒賣也頗有水準，皮薄餡靚，蝦鮮肉爽。長腳蟹及凍蝦肉質實淨、鮮甜肥美，絕非坊間酒店一般貨色﹗三文魚暏喱則較普通。
Eggs Benedict水煮蛋好好味，烹調火喉啱啱好。用刀切開隻蛋，蛋汁徐徐流出，蛋香滲透入最底層的English Muffin麵包中，配合鹹香的煙肉，味道超正。碩大而鮮美的帶子則頂瓜瓜，難得一遇，小妹共吃了半打﹗帶子鮮甜有嚼口，配合魚子或蟹子，再加creamy醬汁，簡直係一絕，仲食回票價添﹗薄底Pizza及豬仔骨味道ok，屬一般水準。
沙律吧配菜款式多，清新爽甜，開胃消滯。雪糕係Movenpick，偏酸，非小妹所愛﹗甜品櫃選擇不多，蛋糕切成細細塊，味道、口感不俗，夠滑夠脆夠creamy，是用心之作，可以一次過試晒佢哋﹗士多啤梨味乳酪雪糕則略嫌難食，且有冰粒，好鬼artificial。
當日由於係假日前夕，所以價錢較平日週未為貴。Brunch有果汁任飲，有橙汁和柚子汁揀。張貼
