廣東茶居 (已結業)

好耐無見位內地朋友喇，有日佢打嚟話周末會嚟香港，不如聚一聚吖，仲話想食點心！好！我即刻搵佢酒店附近嘅茶樓，嘆返杯！呢家茶居附近做大裝修，好不容易先搵到轉角位嘅呢家茶居！兩個人食咗五樣點心，揀嘅都係傳統嘅，例如蝦餃呀，燒賣，糯米雞，叉腸同佢應該未食過嘅蜆介鯪魚球！ 全部都熱辣辣上台！呢啲廣東點心都係正常味道，咸味適中。不過價錢就算貴，應該同呢個地段有關，埋單都接近300元！吼！燒賣算足料，有齊豬肉，蝦，冬菇，喜歡佢無乜肥豬肉，每口燒賣都覺得實在！叉燒腸粉可以話係代表香港嘅點心，友人平時點會食到叉燒呢啲港式美食，加上腸粉皮夠薄，不過加多少少叉腸會更好！呢樣我特登介紹俾朋友，佢話未食過鯪魚。呢個魚波炸得好大，而且魚脆肉好嫩腍，正係想食到嘅效果！