影片
更多
2022-08-25
45 瀏覽
分兩部分講食物及環境服務食物叫左杜拜雞咖哩羊芝士薄餅芒果乳酪凍拉茶以上食物荃灣黎講叫幾好，overall香港黎講就普通。價錢都算進取，份量正常。凍拉茶出事，杯野黎到8成滿無冰唔凍唔甜，叫人換過杯加返冰但都係唔甜。我好好奇拎出黎個待應都知有問題掛？凍飲杯但冰都無都照比客？最後成杯野無飲，杯野$38服務及環境第一，我見到廚房入面有個女仔唔戴口罩，唔係拉低口罩係完全冇帶。第二，薄餅個籃無洗就重用。我食完個薄餅侍應拎走直接放返係出餐處。最後，我坐中間唔係坐卡位，上面冷氣機不停滴水。我同侍應講要換枱，我唔知佢係聽唔明定唔想換，望左我一陣走左去，之後我再叫第二個先同我換張後面枱但都係坐中間，結果都係滴水。眼見全場滿坐野食又上哂頂硬上食左40分鐘到大約比個冷氣滴左我右邊膊頭10-15滴到。食完即刻埋單走，速度同早過我哋坐低食嘅人差唔多。埋單果陣有個肥叔話比10% discount我話知道冷氣機滴水唔好意思。我心諗你明知冷氣機滴水都唔係一朝一夕嘅事，你都唔諗方法去解決由佢滴？我仲聽到佢同人講話打算係沙田開分店真係唔知應唔應該講恭喜。最後原來餐廳要收加一，我心諗你水都冇杯又係用QR code自助落單，咁
食物叫左
杜拜雞
咖哩羊
芝士薄餅
芒果乳酪
凍拉茶
以上食物荃灣黎講叫幾好，overall香港黎講就普通。價錢都算進取，份量正常。凍拉茶出事，杯野黎到8成滿無冰唔凍唔甜，叫人換過杯加返冰但都係唔甜。我好好奇拎出黎個待應都知有問題掛？凍飲杯但冰都無都照比客？最後成杯野無飲，杯野$38
服務及環境
第一，我見到廚房入面有個女仔唔戴口罩，唔係拉低口罩係完全冇帶。
第二，薄餅個籃無洗就重用。我食完個薄餅侍應拎走直接放返係出餐處。
最後，我坐中間唔係坐卡位，上面冷氣機不停滴水。我同侍應講要換枱，我唔知佢係聽唔明定唔想換，望左我一陣走左去，之後我再叫第二個先同我換張後面枱但都係坐中間，結果都係滴水。眼見全場滿坐野食又上哂頂硬上食左40分鐘到大約比個冷氣滴左我右邊膊頭10-15滴到。食完即刻埋單走，速度同早過我哋坐低食嘅人差唔多。
埋單果陣有個肥叔話比10% discount我話知道冷氣機滴水唔好意思。我心諗你明知冷氣機滴水都唔係一朝一夕嘅事，你都唔諗方法去解決由佢滴？我仲聽到佢同人講話打算係沙田開分店真係唔知應唔應該講恭喜。
最後原來餐廳要收加一，我心諗你水都冇杯又係用QR code自助落單，咁究竟你提供個咩嘢服務比食客？
結論，咁既價錢喺荃灣有好多選擇。我會建議大家可以貨比三家，如果真係要食呢間就一定要揀卡位唔好坐中間。
張貼