響 - Hibiki 日本燒肉 (已結業)

良朋共聚，一行四人嚟到呢間位於佐敦白加士街嘅"響"日本燒肉食放題。餐廳裝修主打日本風格，精緻漂亮，座位闊落，坐得十分舒服。餐廳先送上刺身拼盤 ：海膽味濃，口感creamy；帶子鮮甜爽口；油甘魚、三文魚、甜蝦、赤身、八爪魚款款鮮甜味美，優質好食！😋😋😋餐廳再送上：燒肉拼盤，澳洲和牛西冷、澳洲和牛肉眼、澳洲和牛胸腹、美國牛肋骨及米澤西元豚西冷，全部都好新鮮，油花分佈平均，肉味濃郁，口感嫩滑！😋😋😋七味豚拖羅、骨付鷄肉腸、鷄翼，呢幾款都已經調好味，燒完唔洗點醬都已經好好食。海鮮燒物拼盤有矜貴嘅一夜干喜之次、鮑魚、生蠔、大蝦、螺等，款款大隻優質，鮮美好食！食完以上餐廳送上嘅各種拼盤，當然要encore啦，點餐紙上面都有好多選擇！😉另外都order左D燒物同小食，和牛田園沙律、泡菜、鹽味枝豆、菠蘿同冬菇，各款優質都唔錯！不得不提呢度除咗一般汽水外，仲有任飲嘅清酒、梅酒、柚子酒、紅白酒及啤酒各款花茶任飲我哋呢晚就主打清酒、梅酒同柚子酒，三款都好飲易入喉。🍶🍶🍶仲有靚靚點品、多款雪糕連我最愛嘅movenpick雪糕都任食，我又點會錯過。😜呢餐不論食物、環境同服務我哋都好滿意，我哋應該好快會再嚟幫襯！