更多
2017-08-28
1036 瀏覽
早前朋友去過登龍街V Point間高級火鍋店酒鍋食完之後，極力推介我地去。我同老婆趁星期四晚放早可以享用到酒鍋的歡樂時光套餐，決定訂枱睇下個海景火鍋係咪真係咁正。😙我地訂左6點半鍾，原以為平日仲要咁早應該冇乜客人，估唔到同我預計的相反，我地入座時已經坐左好多枱客，大約7點左右已經全場爆滿，可能好多人都同我地一樣趕來食歡樂時光套餐。😆酒鍋係V Point 27樓，對正維多利亞港，我都係第一次望住咁靚嘅海景打邊爐。我地入座時最近窗邊的枱仍未入座，不過已經被預訂，下次黎食要再早D訂枱先得。餐廳裝修新潮但又加入左好多復古元素，同火鍋呢個主題好夾，座位寬闊，坐得好舒服。火鍋醬料選擇非常多。我地揀左每位$328的酒鍋三十道豐味歡樂時光套餐，希望每款份量唔好太多啦，如果唔係，咁多款火鍋配料兩個人點食得哂。🙈餐牌上仲有好多其他火鍋配料選擇，當中有好多都好吸引，不過見個二人餐已經好多野食，我地都唔敢再加。湯底選擇都非常多，我地揀果款二人餐都已經包含4款口味湯底。二人餐每位另加$40就可以任飲紅白酒、啤酒同汽水，不過老婆酒同汽水都唔飲，所以我地冇加錢任飲，佢點左一杯竹蔗茅根。杯竹蔗茅根的電燈泡造型好有趣，
我地訂左6點半鍾，原以為平日仲要咁早應該冇乜客人，估唔到同我預計的相反，我地入座時已經坐左好多枱客，大約7點左右已經全場爆滿，可能好多人都同我地一樣趕來食歡樂時光套餐。😆
酒鍋係V Point 27樓，對正維多利亞港，我都係第一次望住咁靚嘅海景打邊爐。我地入座時最近窗邊的枱仍未入座，不過已經被預訂，下次黎食要再早D訂枱先得。餐廳裝修新潮但又加入左好多復古元素，同火鍋呢個主題好夾，座位寬闊，坐得好舒服。
火鍋醬料選擇非常多。
醬料
$22
25 瀏覽
0 讚好
0 留言
我地揀左每位$328的酒鍋三十道豐味歡樂時光套餐，希望每款份量唔好太多啦，如果唔係，咁多款火鍋配料兩個人點食得哂。🙈
餐牌上仲有好多其他火鍋配料選擇，當中有好多都好吸引，不過見個二人餐已經好多野食，我地都唔敢再加。
湯底選擇都非常多，我地揀果款二人餐都已經包含4款口味湯底。
二人餐每位另加$40就可以任飲紅白酒、啤酒同汽水，不過老婆酒同汽水都唔飲，所以我地冇加錢任飲，佢點左一杯竹蔗茅根。杯竹蔗茅根的電燈泡造型好有趣，竹蔗茅根好清甜，配火鍋一流。👍🏻
竹蔗茅根
$26
29 瀏覽
0 讚好
0 留言
二人餐的鍋底叫四國豐味，包括有麻辣、沙爹、肉骨茶同椰子雞鍋4款湯底，每一款都好足料，我最喜歡的沙爹湯底入面仲有海鮮在內提升鮮味，而老婆就鍾意有好多鮮雞件的椰子雞湯底同打邊爐好少見到的肉骨茶。
四國豐味
21 瀏覽
0 讚好
0 留言
二人餐的海鮮係海蝦同蕃薯蜆，海蝦大隻之餘仲有好多膏，而蕃薯蜆的蜆肉亦好鮮甜，由於老婆讚不絕口，最後我讓佢食多一隻蕃薯蜆。😌
海蝦 蕃薯蜆
26 瀏覽
0 讚好
0 留言
頂級美國安格斯牛頸脊油脂分佈好均勻，有少少入口即溶嘅感覺，肉味超濃厚，最最最幸福的事係老婆唔食牛的!! 一個人獨享呢碟安格斯牛頸脊我可以試哂配每一款湯底的感覺，我覺得配沙爹湯底最惹味，不過配椰子雞湯就可以更食到牛肉的鮮味。😍
頂級美國安格斯牛頸脊
19 瀏覽
0 讚好
0 留言
頂級美國安格斯牛頸脊
13 瀏覽
0 讚好
0 留言
呢個二人餐最啱我地的地方就係除左有安格斯牛頸脊俾我呢個牛魔王食之外，仲有一碟好靚嘅日本黑毛豬腩肉俾老婆，呢碟黑毛豬腩肉我只吃了一塊，肉質軟腍而且富有肉味，老婆吃得津津有味。😚
日本黑毛豬腩肉
21 瀏覽
0 讚好
0 留言
小食頭盤上枱即仍熱的，好香口。
小食頭盤
21 瀏覽
0 讚好
0 留言
二人餐上其他火鍋配料都好高質素，特別係手打的丸類，芝士手打蝦丸同手打墨魚丸都好彈牙而且好新鮮，另一款係餐牌都搵唔到，入口有少少士多啤梨味，中間有鵝肝，超好味。👍🏻
芝士手打蝦丸 手打墨魚丸 芝麻鵝肝草莓丸
26 瀏覽
0 讚好
0 留言
鮮蝦水餃 菠菜皮韮菜餃 洋蔥豬肉蛋餃
32 瀏覽
0 讚好
0 留言
蔬菜拼盤
30 瀏覽
0 讚好
0 留言
即炸手工響玲卷
22 瀏覽
0 讚好
0 留言
黑椒牛筋丸 台灣香菇貢丸 脆皮芝士腸
19 瀏覽
0 讚好
0 留言
稻庭烏冬
25 瀏覽
0 讚好
0 留言
不經不覺已經食左個半小時，天色已經由同入座時完全唔同，可以欣賞埋維港的夜景。😍
雖然價錢唔算平，不過不論環境、地點、景觀同食物質素都好高質，確係值得朋友咁熱心推介俾我地。埋單時雖然未夠鐘，不過店員都會提醒需於20:30前交枱，因為呢個歡樂時光套餐都規定左。走嘅時候門口已經坐滿等位的客人了。😲
張貼
