影片
更多
2018-01-10
405 瀏覽
我同弟弟是蟹迷，上年秋天拜負面新聞所鍚，2017年沒有和以往一樣拆十幾廿隻大閘蟹，沒吃過蟹，算是遺憾。但係食蟹既熱誠未退，上周經朋友介紹，話銅鑼灣新開左間專以吃蟹為主題的日本料理，叫蟹慶。蟹慶專食日本入口活蟹，以為會好貴，但係佢哋有套餐，以人頭計，容易計算 budget, 由688-1088 位，每道菜都有蟹肉，甘既價錢，真心驚喜。今晚同細佬興奮相約，準備大拆靚蟹。呢條樓梯下，就係蟹慶了。精美既 menu 一頁過，我地今晚選擇左邊的套餐。為左食多幾種蟹，我地選擇左1088一位既蟹會席- 極!!先黎啤一啤先！佢地無生啤，札幌啤酒 38元，照剎！蟹會席 極 1088一位Order 完，店家會先將挑選過的活蟹給客人確認一下。巨型的鱈場蟹和毛蟹謀殺了我不少菲林。拍完照片，便安心地嘆靚靚前菜三點。汁煮螺頭、啫哩白飯魚、蟹膏蕃茄。每一個小點都做得非常精美，未食之前，先來一番視覺享受。除了前菜三點，仲有魚子蟹膏芝士，濃濃的蟹膏，配上芝士既口感，好滑！鉢碟小料理是松露火腿煮白蘿蔔，加上一束小紫花，真是漂亮到唔捨得食。清清淡淡的白蘿蔔，帶着光澤，一個小鉢碟都心思十足！毛蟹腳和精選五點刺身接住上既豪華刺身
但係食蟹既熱誠未退，上周經朋友介紹，話銅鑼灣新開左間專以吃蟹為主題的日本料理，叫蟹慶。
蟹慶專食日本入口活蟹，以為會好貴，但係佢哋有套餐，以人頭計，容易計算 budget, 由688-1088 位，每道菜都有蟹肉，甘既價錢，真心驚喜。
今晚同細佬興奮相約，準備大拆靚蟹。
呢條樓梯下，就係蟹慶了。
精美既 menu 一頁過，我地今晚選擇左邊的套餐。為左食多幾種蟹，我地選擇左1088一位既蟹會席- 極!!
先黎啤一啤先！
佢地無生啤，札幌啤酒 38元，照剎！
蟹會席 極 1088一位
Order 完，店家會先將挑選過的活蟹給客人確認一下。巨型的鱈場蟹和毛蟹謀殺了我不少菲林。
拍完照片，便安心地嘆靚靚前菜三點。
汁煮螺頭、啫哩白飯魚、蟹膏蕃茄。
每一個小點都做得非常精美，未食之前，先來一番視覺享受。
除了前菜三點，仲有魚子蟹膏芝士，濃濃的蟹膏，配上芝士既口感，好滑！
鉢碟小料理是松露火腿煮白蘿蔔，加上一束小紫花，真是漂亮到唔捨得食。清清淡淡的白蘿蔔，帶着光澤，一個小鉢碟都心思十足！
毛蟹腳和精選五點刺身
接住上既豪華刺身拼盤，令人食慾大增。
有矜貴的厚切拖羅同毛蟹腳刺身，新鮮、甜美！不枉叫左最貴既套餐，值回票價！
再有牡丹蝦、三文魚、深海池魚、油甘魚。都係厚切，享受咀嚼刺身的快感。
蟹膏係我超級鍾意的美食。呢個蟹甲羅味噌燒，蟹膏用料十足，用匙大啖大啖食，都係快感十足！
蟹肉蒸蛋
另一個日本常規小食茶蒸蛋，都係因為放咗唔少蟹肉，而變得不一樣。蒸蛋非常鮮甜、蟹味濃，做出不一樣的效果。
飲完啤酒，叫左支天之戶純米大吟釀 720ml 598元。呢支我覺得係性價比最佳的清酒選擇。
天之戶米味非常突出，甘口順滑。
相信係女生也會大愛的清酒。
第一個主角終於出場- 蒸毛蟹。
蒸，係最能保存活蟹原有的鮮味，先來食蒸毛蟹，就可以真實地試出蟹的鮮味。
店家已細心地把蟹腳都並剪開曬，方便食家用附上的蟹叉，把啖啖蟹肉取出。
活毛蟹的蟹肉之鮮，真係無可替代。
店員的服務非常周到，由於食蟹會產生蟹殼，枱面已經有一個專門放蟹殻嘅壺。此外，職員亦幾乎每上一道菜都會換碟，非常細心，抵讚。
燒鱈場蟹腳
又係啖啖肉的誘惑。
店員替我地燒蟹腳，一陣蟹殼燒過嘅焦香撲鼻！
蟹腳肉厚清甜，每一啖都係滋味！無得頂！
汁煮鮮鮑魚，甜甜嘅醬汁加上鮮鮑魚本身嘅鮮味，真心好味。
松葉蟹釜飯
最後來一盆蟹飯。店員將芝麻、松露，加埋蟹肉混去飯裏面，令飯都變得不一樣，非常好食！蟹肉加松露香，兩者都係我的至愛！
甜品以綠茶蕨餅作結尾。
好一道日式甜點！
無論環境、服務同食材餐都係上乘之選，價錢又非常大眾化，起碼＄1000 內都食到無限豐盛既慶宴。係香港，都可以食到甘高質嘅刺身同靚蟹，只此一家！
張貼
