醉胡爐 (已搬遷) 新店位置

大部人都愛火鍋配吃牛，不過我個人鍾意吃豬，所以喺醉胡爐吃火鍋叫了個豚拼盤，有蝴蝶腩、豬頸肉、黑毛豬，蝴蝶腩的口感似牛腩，反而仲帶啃勁，豬頸肉爽，而我最愛黑毛豬，薄薄一片，灼下灼下見轉色同慢慢縮小，夾起點醬汁吃，口感嫩滑媲美肥牛。呢個豬拼盤組合不錯，不用單叫而吃到豬不同部分，不用煩。醬料選擇的數量大致與一般火鍋店提供的相若，有齊葱同蒜鼓油等，美中不足是一盤醬料周圍傳，傳到我呢枱就有啲亂，其他就不是太大問題。平時少吃嘅皇帝菜，好有獨特嘅菜味，打邊爐灼來吃是不錯。雖然腐竹是普通食材，但放在湯底吸收精華，又是另一番風味。韮菜餃略嫌細隻，咬一口已食完一隻，而且包的韮菜不多，所以很難啃到韮菜的菜香，如果包得大隻會更好。食完豚肉拼盤同其他食材已滿足，再食埋聖子，聖子灼得不要耐，灼幾下就要夾上來吃，咁就有彈牙口感。食埋聖子今晚就大滿足，飽飽了。