Mokumoku Yakiton (厚福街)

營業中

休息中

今日同老婆難得出去尖沙咀行街，順便去搵下美食，搵到呢間mokumoku食個午餐，上到去環境坐得幾舒服，又可以食串燒、刺身等等【前菜】蕃茄沙律，非常新鮮，食完串燒真係可以清一清口腔。【岩手縣赤崎燒蠔】岩蠔非常大隻，又厚肉又夠鮮甜肥美，仲帶點海水味，再配埋酸汁一起食非常醒胃。【九條蔥卷】用上白金豚甘香而不膩，加埋九條蔥仲會多咗陣清爽嘅味道中和油膩感。【豬大腸】外皮香脆惹味，內裡又鎖緊肉汁，味道調較得啱啱好。【山葵漬四元䐁】豚肉質鮮嫩有彈性，周邊位置帶著燶邊，表面再加了山葵漬，味道帶點微辣鮮美，亦清香解膩。【豬肋骨肉】燒完出來的油脂非常香，肥瘦適中，有入口即溶感覺。【牛舌】厚牛舌，肉質軟腍爽口，有濃郁的牛味，越嚼越香。【豬耳芝士】第一次食的豬耳芝士，豬耳口感非常有咬口，再配上芝士熱溶在豬耳表面，芝味濃郁。